Lajme

PDK bojkoton kryesinë e Kuvendit – shkak heqja e fotografisë së Presidentit Hashim Thaçi

Autori: Gazeta inFokus 11:26 | 06 February 2020

Vjosa Osmani, me të ardhë në krye të Kryetares së Kuvendit, fotografinë e Presidentit të Kosvoës e zëvendësoi me atë të Ibrahim Rugovës.

Ky veprim nxiti shumë reagime, shkruan gazeta inFokus.

E tash, kur po mbahet kryesia e Kuvendit, PDK ka bojkotuar këtë mbledhje.

-Advertisement-

Arsye sipas shefit të grupit parlamentar të kësaj partie është pikërisht kjo gjë, heqja e fotografisë së Presidentit të Kosovës.

“Na nuk jemi duke marrë pjesë në mbledhje të kryesisë, as nënkryetari Memli Krasniqi e as unë, nuk është vullnet i joni e dëshira jonë, më shumë mundemi me kontribu duke marrë pjesë në mbledhje se sa të jemi jashtë, mirëpo gjithkund e besoj është në interes të koalicionit qeverisës opozita të jetë brenda e jo me detyru të jetë jashtë, këto janë veprime që nuk i duhen Kosovës”, ka thënë Hamza.

“Znj. Osmani e zgjedhur në një procedurë të parespektuar që nuk i plotëson kriteret e standardet, me votat e listës serbe, e ka filluar keq, veprimin e parë që e ka bërë është me fotografinë e Preisdentit të Republikës së Kosovës, me u inspirua, njerëzit munden me u inspirua, munden me pas edhe në ambientet privatae, por në institucionet publike duhet me u respektu rregullorja, znj. Osmani mundet ta mbaj edhe në zyrën e vet, po a nuk pat ku me vendos veç aty ku duhet të jetë fotografia e Presidentit të Kosovës”, ka thënë Hamza.

Tutje, ai i ka përmendur Osmanit dy raste, ku sipas tij, ajo si juriste i la të shkelin Kushtetutën kryetarët e LDK-së, shkruan gazeta inFokus.

“Besoj që është mirë, e drejtë e obligim e opozitës me qenë në institucione e me jap kontributin e vet, është momenti ku ndodhet vendi, por znj. Osmani me veprimet e saj jo-korrekte, e thirret si juriste, po mos të harrojmë që nuk është shumë moti kur znj. Osmani i ka leju dy kryetar të LDK-së, me bë gabime e të dy rastet ka dal që janë shkelës të Kushtetutës, prandaj për këtë qëllim, PDK, kërkon që fotografia e Presidentit z. Thaçi të kthehet në vendin e vet me kusht që neve të na lejohet pjesëmarrja brenda Kuvendit të Republikës së Kosovës, kjo është kërkesë e jona, e është e obliguar znj. Osmani ta respektoj”./Gazeta inFokus/

Subscribe në YouTube: GAZETA INFOKUSI
Etiketa:
Prince Caffe pjesëmarrës në panairin “Gulfood Fair 2024” në Dubai
-Advertisement-

Të tjera

Fokusi

lajme