Lajme

PDK akuzon Konjufcën për arrestimin e deputetëve të opozitës

Autori: Gazeta inFokus 12:21 | 13 July 2023

Partia Demokratike Kosovës (PDK) ka dënuar ashpër sulmin e zëvendëskryeministrit Bislimi ndaj deputetëve të PDK-së. Ndërsa ka akuzuar kryetarin e Kuvendit Glauk Konjufca, pë arrestimin e deputetëve të opozitës.

“Në një moment kur Kryetari i Kuvendit u desh që të reagojë dhe të mos e lejoj atë që të ndodhë, ai u bëri thirrje Policisë së Kosovës që të ndërhyjnë dhe të arrestojnë deputetët e opozitës”, thuhet në reagim. .

“Sikur të mos u mjaftonte fyerja që i bënë shtetit të Kosovës, veteranëve të UÇK-së, akterëve politik shqiptarë, popullit të Kosovës, para shërbëtorëve të Radojçiqit, sot, në Kuvendin e Kosovës, zëvendëskryeministri Besnik Bislimi në vend që të ndihej i turpëruar dhe të jepte llogari për përgjimet, provokoi opozitën duke i hequr fotografinë që ata i vendosën në foltore”, thuhet në reagimin e PDK-së.

-Advertisement-

Në reagimin e PDK-së thuhet se futja e policisë së Kosovës në Kuvend, nuk është lejuar të ndodh as në momentin me të errët në historinë e Kuvendit.

“Madje, ishte pikërisht zëvëndëskryeministri Bislimi i cili i pari e goditi me mjete të forta, shishe, deputetin Mërgim Lushtaku. Futja e Policisë së Kosovës në Kuvend nuk është lejuar të ndodhë as në momentin më të errët në historinë e Kuvendit të Kosovës, kur Lëvizja Vetëvendosje hidhte gaz lotsjellës dhe rrezikonte jetën e deputetëve”, thuhet në reagim.

Ndërsa thuhet se kjo Qeveri duhet të shkoj në shtëpi.

“Tani, gjithçka është e qartë. Kjo Qeveri, ky kryeministër, ky pushtet, shihet qartë se duke tentuar të fshehë koordinimin dhe bashkëpunimin me Millan Radojçiqin, po përdorë çdo mjet, edhe dhunën, ndaj deputetëve opozitarë. Ky Kuvend dhe kjo Qeveri nuk kanë më kurrfarë kuptimi dhe asnjëlloj kredibiliteti. Një Qeveri që bashkëpunon me kriminelët serbë, në dëm të interesit të shtetit dhe qytetarëve të Kosovës, duhet të shkoj në shtëpi një orë e më parë. Kosova ka nevojë për zgjedhje të reja, nga të cilat, qytetarët me votën e tyre do të zgjedhin një Qeveri kredibile e cila do ta kthej vendin në rrugën e duhur drejt integrimit euro-atlantik”, thuhet në reagim të PDK-së.

Subscribe në YouTube: GAZETA INFOKUSI