Lajme

PD-ja kallëzon në SPAK 73 deputetë të mazhorancës

Autori: Gazeta inFokus 13:05 | 02 October 2024

Grupi Parlamentar i Partisë Demokratike të Shqipërisë ka kallëzuar në SPAK 73 deputetë të mazhorancës, përfshirë edhe kryeministri Edi Rama.

Opozita i akuzon përfaqësuesit socialistë se kanë konsumuar në bashkëpunim dy vepra penale, atë të “pengimit të ekzekutimit të vendimeve të Gjykatës kushtetuese” dhe “mosekzekutim pa shkaqe të përligjura të vendimit të kësaj gjykate”, lidhur me mandatin e deputetes Olta Xhaçka.

Sipas deputetëve demokratë, ky veprim përbën jo vetëm minim të demokracisë dhe rrënim të besimit të qytetarëve tek Gjykata Kushtetuese dhe sistemi i drejtësisë, por gjithashtu edhe veprim të kundërligjshëm që dënohet nga Kodi Penal, raporton TV Klan.

-Advertisement-

“Në këtë kuptim, deputetët e kallëzuar nga ana jonë, përmes vendimeve të shumicës në Kuvendin e Shqipërisë, kanë kryer veprime aktive me qëllim që të mos ekzekutohet apo pengohet ekzekutimi i dy vendimeve të Gjykatës Kushtetuese. Ky mosekzekutim është bërë pa shkaqe të përligjura, edhe pse ato shprehimisht kanë qenë të ngarkuara nga Gjykata Kushtetuese me ekzekutimin e këtyre vendimeve gjyqësore, me qëllim favorizimin e koleges së tyre Olta Xhaçka, që ka interes personal për mosekzekutimin e këtij vendimi”.

E teksa grupi Parlamentar i PD-së ka kërkuar nga SPAK-u që të regjistrojë procedimin penal ndaj 73 deputetëve të Kuvendit të Shqipërisë, shumica i është drejtuar për opinion Komisionit të Venecias lidhur me mandatin e deputetes Olta Xhaçka që pritet ta shqyrtojë në mbledhjen e datës 6-7 Dhjetor.

Subscribe në YouTube: GAZETA INFOKUSI