Lajme

Patrullimi i përbashkët i Policisë së Kosovës dhe Shqipërisë nis nesër

Autori: Gazeta inFokus 12:49 | 30 June 2018

Nesër do të fillojnë patrullimet e përbashkëta mes policisë së Kosovës dhe atyre të Shqipërisë.

Këtë e ka brë të ditur Policia e Kosovës përmes një komunikate për medie, shkruan GazetaFokus.

Në komunikate thuhet se turni i parë i zyrtarëve policor të Policisë së Kosovë do të udhëtojnë për në Republikën e Shqipërisë për të filluar patrullimet e përbashkëta.

-Advertisement-

“Përmes kësaj shkrese zyrtare ju njoftojmë që të dielën me datë 01.07.2018, turni i parë i zyrtarëve policor të Policisë së Kosovës, gjegjësisht të Njësive Rajonale të Komunikacionit Rrugor (NJRKRR) dhe Njësisë për Kontroll të Autostradave (NJKA), do të udhëtojnë për në Republikën e Shqipërisë për të filluar patrullimet e përbashkëta.”, thuhet në komunikatë.

Policia e Kosovës ka bërë të ditur gjithashtu se zyrtarët policorë të dy shteteve do të takohen fillimisht në Vermicë e më pas do të vazhdojnë së bashku për në Shqipëri.

“Fillimit të patrullimeve të përbashkëta do ti paraprijë takimi i cili do të mbahet në ora 10:00 në Pikën e Kalimit Kufitar Vërmice, nga ku pastaj së bashku me autoritetet e Policisë së Shtetit Shqiptar zyrtarët policor do të vazhdojnë për në Republikën e Shqipërisë, për detyrën konkrete sipas memorandum bashkëpunimit.’’, thuhet në komunikatën e PK-së./GazetaFokus.

Subscribe në YouTube: GAZETA INFOKUSI
Etiketa:
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme