Pastrimi përmes lëngjeve: Pse ju bën mirë dhe pse ju bën keq?
Autori: Gazeta inFokus 14:41 | 10 January 2020
Shumë njerëz janë të gatshëm të provojnë gjithçka që i ndihmon në misionin e tyre të humbjes së peshës, që në fakt është shumë i vështirë. Një metodë e veçantë që shumë njerëz janë të gatshëm ta provojnë është pastrimi përmes lëngjeve. Pastrimi përmes lëngjeve është në thelb një lloj pastrimi që ka në bazë kombinimin e lëngjeve të frutave dhe perimeve për një periudhë të caktuar kohe. Disa përdorin pastrimin dy-ditor, disa të tjerë mund ta zgjasin deri në një javë apo akoma më shumë. Në internet qarkullojnë receta të ndryshme lëngjesh.
Përfitimet e pastrimit përmes lëngjeve
Pse pastrimi përmes lëngjeve është i dobishëm për ata që duan të humbin peshë? Më poshtë do të lexoni disa përfitime që lidhen me të.
Mbështet sistemin imunitar
Kur i nënshtroheni pastrimit nëpërmjet lëngjeve, do të thotë që po hyni në një regjim të kufizuar ku trupi do të largojë gjithë toksinat e gjendura në të. Gjithashtu, trupi ka tendencë të përdorë rezervat e glikogjenit në këtë kohë çka përshpejton procesin e shërimit duke përfshirë nxjerrjen jashtë të qelizave të dëmtuara në mënyrë që të prodhohen të reja. Gjithashtu, një pastrim i tillë ndihmon sistemin imunitar të rikuperojë energjitë e tij.
Përmirëson shëndetin e zorrëve
Një përfitim tjetër i lidhur me pastrimin përmes lëngjeve është se mund të ndihmojë në përmirësimin e shëndetit të zorrëve. Kjo sepse në trupin tuaj nuk hyjnë ushqime të ngurta, çka ju lejon të rifitoni balancën tuja. Dhe që nga momenti që do t’i nxirrni jashtë gjithë substancat e dëmshme nga sistemi juaj, do ta keni më të lehtë të rregulloni shëndetin e zorrëve.
Absorboni më shumë lëndë ushqyese
Pastrimi përmes lëngjeve ndihmon trupin të absorbojë më shumë vlera ushqyese të gjendura tek perimet dhe frutat, pasi ju po hiqni fibrat prej tyre.
Rreziqet e mundshme të pastrimit nëpërmjet lëngjeve
Edhe pse ka shumë benefite të lidhura me pastrimin përmes lëngjeve, nuk duhet të harroni që ka dhe risqe. Më mirë vini në peshore mundësitë nëse një lëng pastrues është apo jo i mirë për ju.
Ushqyerje e mangët për rezultate të shpejta
Mbani parasysh se jo çdokush mund t’i nënshtrohet një regjimi ushqimor të kufizuar. Nëse po i nënshtroheni një regjimi të tillë sepse doni rezultate të shpejta, sigurohuni që t’i kushtoni vëmendje përgjigjes së trupit ndaj mungesës së ushqimit. Është gjithashtu e mundur që një ushqyerje e tillë të mos jetë e përshtatshme nëse nivelet tuaja të sheqerit tentojnë të luhaten.
Nuk menaxhoni dot peshën
Nuk është dhe aq e lehtë të llogarisni sasinë e kalorive që merrni kur konsumoni ushqime të lëngshme, çka do të thotë se është e lehtë për ju ta nënvlerësoni një fakt të tillë. Gjithashtu, meqenëse ju nuk përtypni ushqime të ngurta, mund të ndiheni të uritur gjatë ditës. Problemi me kaloritë e ulëta për disa ditë rresh është se metabolizmi juaj tenton të ngadalësohet në vend që të përshpejtohet, duke dhënë efekt të kundërt, që do të thotë se do të shtoni peshë gradualisht.
Nivele të paqëndrueshme të sheqerit në gjak
Edhe pse pastrimi përmes lëngjeve ndihmon trupin tuaj të absorbojë më shumë lëndë ushqyese duke eliminuar fibrat, duhet të dini se gjithçka që mbetet janë sheqernat duke rrezikuar kështu t’ju rriten nivelet e sheqerit në gjak. Kujtohuni që një rritje e papritur e sheqerit mund t’ju bëjë të ndiheni të lodhur, të irrituar dhe është diçka që duhet ta merrni në konsideratë nëse po i nënshtroheni një pastrimi përmes lëngjesh.
Të tjera
-
“Mendoja Albin Kurti babën e vet e shti n’burg me zënë n’korrupsion… e sot” – Behrami tregon çfarë bindje kishte për Kryeministrin
Analisti Artan Behrami tha se ndjehet i mashtruar sikur 51% i qytetarëve që k...
-
Alarm në Gjermani, një bom*ë 500 kilogramëshe gjendet në afër të “Mewa Arena”
Pavarësisht se Lufta e II Botërore është mbyllur në vitin 1945, nuk janë të p...
-
Djali i shoferit të Pal Lekajt i dehur god*t një këmbësore në Gjakovë, voziste pa patentë shofer
Numri i madh i aksidenteve në trafik po vazhdon të jetë shqetësues. Jo rrallë...
-
Burri nga Ferizaj largohet nga shtëpia me para, veturë dhe dokumente, gruaja e paraqet në polici
Një grua nga Ferizaj ka raportuar se burri i saj është larguar nga shtëpia dh...
-
Lajçak deklarohet për takimin e sotëm, thotë se ka paraqitur një ‘dokument kompromisi’ për dinarin
I Dërguari i Bashkimit Evropian për Dialogun Kosovë-Serbi, Miroslav Lajçak, k...
-
Fejohet analisti Astrit Gashi, me gazetaren e njohur
Analisti Astrit Gashi i ka dhënë fund beqarisë. Ai ka kurorëzuar dashurinë...
-
IS*S kërcënὁn Shqipërinë dhe Kosovën?
Video-propagandistike, publikuar në rrjetet sociale nga ISIS, ku në mesin e 6...
-
Kurti falënderon deputetët gjermanë për mbështetjen ndaj Kosovës
Kryeministri i Kosovës, Albin Kurti së bashku me zëvendësministrin e Punëve t...
-
Osmani pas suksesit të Distrisë: Jashtëzakonisht krenare, në Paris, më e fortë se kurrë
Presidentja e vendit, Vjosa Osmani, ka reaguar pasi Distria Krasniqi u shpall...
-
Azemi i LDK-së: Nëse zgjedhjet mbahen këtë të diel, fitojmë ne
Zyrtari i Lidhjes Demokratike të Kosovës, Visar Azemi, në një intervistë në F...
-
Përfundon takimi në Bruksel, Bislimi: Serbia kërkon që strukturat ilegale të financohen deri në krijimin e Asociacionit
Kryenegociatori i Kosovës, Besnik Bislimi, tha pas rundit të ri të dialogut, ...
-
Arrestohet i dyshuari që gjuäjti dhe vräu një person në rrugën “B” në Prishtinë
Policia ka njoftuar se kanë arrestuar personin e dyshuar i cili mbrëmë në orë...