Pastrim i miliona eurove, shpallet në kërkim biznesmeni Rezart Taçi
Autori: Gazeta inFokus 19:16 | 12 November 2021
Dosja e prokurorisë italiane, hedhin më shumë dritë mbi atë që po akuzohet së fundmi biznesmeni Rezart Taçi.
Edhe pse ky i fundit LIVE në Top News, tha se akuzat për pastrim parash mbi të janë të gabuara, në dosjen e Prokrurorisë së shtetit fqinj del se Taçi do përfitonte një shumë të madhe parash për këtë shërbim të të pandehurëve protagonistë, Francesco Zummo dhe Fabio Petruzzella.
“Në hetimet e kryera deri në këtë pikë, bëhet fjalë për transferimin e shumës së parave që sipas përgjimeve, del të jenë 23 mln euro, dhe depozitimin në llogari të Francesco Zummo. Ky transferim është bërë objekt i një sërë manovrash financiare duke shmangur detyrimet ligjore,” shkruhet në dokumente.
“Veprimet u realizuan falë, ndihmës që Zummo mori nga komercialisti palermitan Fabio Petruzzella, me vendbanim në Milano.
Petruzzella, i cili prezantohet si avokat i Zummo-s, por që vepron në llogari të të moshuarit Daniele Cestagalli, ndërmjetësit zviceran me origjinë italiane dhe biznesmenit shqiptar, Rezart Taçi. Këta të fundit ranë dakord për një komision prej 4 milionë eurosh. Kjo shifër do merrej për të lehtësuar kalimin e fshehtë të shumës së madhe të parave.
Dhe falë njohjeve e kontakteve të tyre, në rang ndërkombëtar, të personazheve që mund të shmangin “alarmet” bankare të lidhur me emrat përkatës, do të kryhej ky transferim.
Menjëherë pas këtyre veprimeve, ata vazhduan me hapjen e dy llogarive në “Alpha Bank” në Tiranë, një në emër të Zummo-s dhe një tjetër në emër të Petruzella, e kështu në një kohë të shkurtër, ata urdhëruan, nga llogaria në Ticino, transferimin e parave drejt llogarisë shqiptare.
Në planin e tyre ishte kalimi i parave të depozituara për komercialistin palermitan në Shqipëri, drejt Singaporit ose Hong Kongut, përsëri përmes kompanisë së naftës së Rezart Taçit.
Kjo fazë e dytë e këtij plani është ende në zbulim e sipër dhe për këtë po bashkëpunon edhe SPAK në Shqipëri, shkruhet në dokument.
Probleme u hasën për transferimin e këtyre fondeve nga llogaria shqiptare. Zummo nuk heziton të shprehë shqetësimet e tij dhe të nxisë Petruzzela-n.
Ky i fundit, nga ana e tij, lëviz në mënyrë të vazhdueshme, si në Tiranë (ku përpiqet të lëvizë paratë dhe, në çdo rast, për t’u siguruar që shuma të mbahet ende nga nje banke e nivelit te dyte), qoftë në Palermo, ku dhe takohet vazhdimisht me Cestagalli-n dhe Taçin, për të marrë vesh lajmet e fundit, se çfarë bëhet me paratë.
Taçi dhe Cestagalli, nga ana e tyre, përpiqen me “pushtetin” që kanë që të ndërhyjnë deri tek ministra e personalitete të rëndësishme për të përshpejtuar kompletimin e planit të transferimit.
Të tjera
-
Ky është polici i suspenduar në Gjakovë, dyshohet se kontrabandoi mallra me veturë private
Inspektorati Policor i Kosovës ka njoftuar sot se ka suspenduar një zyrtar po...
-
Hamza kritikon Kurtin: Qeveria e tij ende s’e preu asnjë shirit të investimeve kapitale
Kandidati për kryeministër nga radhët e Partisë Demokratike të Kosovës, Bedri...
-
PDK i kthen në Kryesi deputetët dhe kryetarët e komunave, vend të rëndësishëm i jep edhe aderimit më të ri
Partia Demokratike e Kosovës e ka marrë shumë seriozisht mobilizimin për zgje...
-
Nënkryetarja e PE-së: Sanksionimi vetëm i Kosovës në mosmarrëveshjen me Serbinë, sinjal kontradiktor nga KE-ja
Zgjedhjet evropiane të vitit 2024 do të përcaktojnë kursin për një sërë gjëra...
-
Lladrovci për Hamzën: Kandidaturë e kompletuar, gëzon respektin e përkrahjen edhe nga aleatët tanë historikë
Kryetari i komunës së Drenasit, Ramiz Lladrovci, ka postuar fjalimin që ai ka...
-
Frashër Krasniqi i shkon në tavolinë Mujës të VV’së: A po ju vjen marre që e pranuat “Zajednicën”, për KiE
Aktivisti i Partisë Socialdemokrate (PSD) Frashër Krasniqi, i ka shkuar në ta...
-
Abdixhiku e rikthen fjalimin në Kuvend – akuza Qeverisë për “tenderët sekretë”
Kryetari i Lidhjes Demokratike të Kosovës (LDK), ka folur në Kuvend të Kosovë...
-
Aksioni mbi kontrollin e transportuesve të udhëtarëve, shqiptohen dhjetëra gjoba – konfiskohen targa e vetura
Inspektorati i Kryeqytetit njofton se po vazhdon aksionin e kontrollit të tra...
-
Osmani me Speich diskutojnë mundësitë e bashkëpunimit Kosovë-Vatikan
Presidentja Vjosa Osmani ka takuar sot Delegatin Apostolik të Selisë së Shenj...
-
Qalaj: PDK-ja do ta udhëheqë vendin, do të ndalet ikja e të rinjve jashtë vendit
Deputeti i PDK-së, Rashit Qalaj, është shprehur i bindur se kandidati i tyre ...
-
Studentët e Juridikut, të tretët në botë në garën ndërkombëtare për drejtësi, Osmani: Sukses historik
Studentët kosovarë të Fakultetit Juridik kanë arritur sukses në garën botëror...
-
Tahiri: KEK ka 80 kontrata njëburimore në vlerë prej 102 milionë eurove
Shefi i Grupit Parlamentar të PDK’së, Abelard Tahiri, në “Frontal” të T7 ka f...