Lajme

Pasi Rusia ua ndërpreu, Polonia dhe Bullgaria po marrin gaz nga fqinjët europianë

Autori: Gazeta inFokus 17:21 | 27 April 2022

Polonia dhe Bullgaria janë duke marrë gaz nga fqinjët e tyre të BE-së, ka thënë presidentja e Komisionit Europian, Ursula von der Leyen, pasi gjiganti rus i energjisë Gazprom ndërpreu furnizimet me gaz për Poloninë dhe Bullgarinë të mërkurën meqë këto dy vende refuzuan që të paguajnë atë me rubla, si ç kishte bërë të ditur kompania në një deklaratë.

Në një deklaratë, von der Leyen e quajti këtë “një tjetër provokim nga Kremlini” dhe akuzoi Moskën se po e përdor gazin për shantazh.

“Kjo është diçka për të cilën Komisioni Evropian është përgatitur, në koordinim dhe solidaritet të ngushtë me shtetet anëtare dhe partnerët ndërkombëtarë. Përgjigjja jonë do të jetë e menjëhershme, në unitet dhe e koordinuar. Së pari, ne do të sigurojmë që vendimi i Gazprom të ketë ndikimin më të vogël të mundshëm tek konsumatorët europianë. Sot, shtetet anëtare u takuan në Grupin e Koordinimit të Gazit. Polonia dhe Bullgaria na informuan për situatën. Si Polonia ashtu edhe Bullgaria tani po marrin gaz nga fqinjët e tyre të BE-së”, tha ajo në një komunikatë.

Ajo gjithashtu theksoi nevojën për partnerë të besueshëm energjetikë, duke premtuar fundin e epokës së karburanteve fosile ruse në Evropë.

Von der leyen tha se është e angazhuar për një plan afatmesëm dhe magazinim të mjaftueshëm të gazit.

Të tjera

Fokusi

lajme