Lajme

Pasi publikuan “sukseset”, Hamiti i LDK-së ia përmend VV-së gjobën prej 13 mijë eurove për MPJ-në

Autori: Gazeta inFokus 19:22 | 24 July 2022

Muhamet Hamiti nga LDK, ka komentuar publikimin e një videoja nga VV-ja, ku përmenden disa të bëma të qeverisë, të cilat i konsiderojnë si suksese.

Në një video që fillon me një valëvitje disa sekondëshe të flamurit të Republikës së Kosovës, Vetëvendosje e ka filluar përpjekjen për t’iu vënë në ndihmë Qeverisë Kurti. Në video thuhet se tashmë s’ka nevojë për angazhim të kompanive të lobimit, meqë imazhi i Qeverisë po rregullohet me punë dhe përmbajtje. Në të përmendet edhe transparenca dhe “mungesa e skandaleve në diplomaci”.

Hamiti ka reaguar me një shkrim në Facebook, ku ka thënë se po të ishte VV në opozitë, do ta fuste në video si skandale gjobitjen prej 13 mijë eurove të Ministrisë së Jashtme.

“Po të ishte në opozitë, VV-ja do ta përfshinte edhe këtë skandal të Qeverisë në videon e vet promovuese. Gjobë në shumë 13 mijë euro (të taksapaguesve) për fshehje të informacionit për punë të mira të mira të regjimit të ri!”, shkroi ai.

Të tjera