Fun & Video

Pasagjerja ‘e çmendur’ që qëlloi burrin në avion rezulton ish-aktore e serialit amerikan ‘Baywatch’ (fotot)

Autori: Gazeta inFokus 12:59 | 29 December 2021

Një grua që u regjistrua dje në video duke qëlluar me shuplakë një burrë në një fluturim pasagjerësh në SHBA, u zbulua sot nga mediat se ka qenë balerinë, madje ka pasur dhe një rol të vogël në serialin e famshëm amerikan “Baywatch”.

Pasagjerja me sjellje jashtë kontrolli Patricia Cornwall që u arrestua më pas nga autoritetet, dikur njihej si me emrin e skenës Patty Breton, por kësaj radhe u bë e famshme për arsyet e gabuara në rrjetet sociale.

Policia federale amerikane ka ngritur akuza ndaj saj për trazira gjatë një fluturimi pasagjerësh kur teksa kthehej në sediljen e saj nga tualeti, nisi një konflikt me një pasagjer, të cilin e qëlloi me dorë në fytyrë.

-Advertisement-

Rruga e saj e kthimit drejt sediljes ishte bllokuar nga stafi që po shpërndante pijet por gruaja nuk duronte dot dhe duke u konfliktuar fillimisht me stjuardesën, “ia nxorri inatin” një pasagjeri aty pranë, që ndërhyri duke i kërkuar të shmangte problemet.

Konflikti verbal më pas kalon në debatin e maskave, ku të dy pasagjerët i kërkojnë njëri-tjetrit të ‘vendosin mirë maskën’. Video është bërë tashmë virale në mediat amerikane.

Cornwall shihet në pamje duke qëlluar burrin me shuplakë, i cili më pas ia kthen: “Do shkosh në burg për këtë!”

Police arrestoi Cornwall në aeroportin e Atlanta dhe më pas gruaja u mor ne dorezim nga FBI.

Patricia Cornwall, e njohur dhe si Patty Breton, shihet në fotot e mëposhtme në kohën e “shkëlqimit” të saj kur drejtonte grupin e balerinave ‘cheerleader’ të skuadrës Los Angeles Raiders.

Subscribe në YouTube: GAZETA INFOKUSI
Etiketa:

Të tjera

Fokusi

fun-video