Lajme

Pas takimit me Vuçiqin, Porfirije: Tensionet në Kosovë mund të hapin rrugë të padëshirueshme – lutem për paqe

Autori: Gazeta inFokus 14:21 | 27 December 2022

Pas refuzimit të hyrjes së patriarkut Porfirije në Republikën e Kosovës, ai u takua me presidentin e Serbisë, Aleksandar Vuçiq.

Kreu i Kishës Ortodokse Serbe (KOS), tha se tensionet në Kosovë kanë arritur në një pikë nga e cila mund të hapen rrugë që askush nuk i dëshiron dhe që mund të çojnë larg paqes dhe ekuilibrit të nevojshëm.

Pas takimit, në konferencë të përbashkët për media me presidentin serb, ai tha se lutet për të gjithë njerëzit e botës, për paqe, për mirëkuptim të ndërsjellë, për bashkëjetesë dhe paqe ndërmjet shqiptarëve dhe serbëve, “sepse është fakt i sigurt se vetëm në mes veti, me përpjekjet tona, mund ta kuptojmë njëri-tjetrin më mirë”, tha Porfirije.

-Advertisement-

“Duhet të bëjmë gjithçka për të ruajtur paqen me çdo kusht dhe e kam lutur presidentin dhe qeverinë që të bëjnë gjithçka për të ruajtur paqen, në mënyrë që, Zoti na ruajt, të mos ndodhin konflikte të armatosura, sepse ato nuk do t’i sjellin të mira askujt”, tha patriarku dhe shprehu besimin se nëse ka vullnet të mirë, mund të gjendet një rrugë e përbashkët për jetën, raporton “Danas”, përcjell Klankosova.tv.

Lidhur me ndalimin e hyrjes në Kosovë, patriarku theksoi se dje ishte një ditë shumë e trishtuar për të, por edhe për murgjit, murgeshat dhe klerikët “që prisnin me padurim kreun dhe atin shpirtëror të kishës së tyre” dhe se është i sigurt se “do të luten së bashku së shpejti”.

Kujtojmë se patriarku Porfirije dhe Vuçiqi janë takuar edhe mbrëmë.

Në reagimin e parë pas ndalimit për të shkuar në Kosovë, Porfirije tha se ai është aty “në shtëpinë e tij” dhe se dera e saj ishte e mbyllur për të.

Kisha Ortodokse Serbe njoftoi se për nga pikëpamja e të drejtave të njeriut dhe lirive fetare të çdo personi, ky vendim është i paarsyeshëm dhe absolutisht i papranueshëm.

Subscribe në YouTube: GAZETA INFOKUSI
Oferta ekstreme e majit – dyshek memory 100€ më lirë!
-Advertisement-

Të tjera

Fokusi

lajme