Lajme

Pas takimit me Lajçak, Kurti merret edhe me bujqësi së bashku me Pecin: Pas korrje-shirjeve vjen mbjellja e re

Autori: Gazeta inFokus 13:53 | 13 October 2022

Kryeministri i Republikës së Kosovës, Albin Kurti, së bashku me ministrin e Bujqësisë, Faton Peci, dhe kryetarin e Komunës së Gjilanit, Alban Hyseni ka vizituar një bujk në Mireshin e Gjilanit, shkruan Gazeta Infokus.

Ai përmes një postimi në “Facebook”, ka thënë se pas korrje-shirjeve vjen mbjellja e re e ku nga 5 deri me 30 tetor është koha ideale për drithërat.

“Pas korrje-shirjeve vjen mbjellja e re. Nga 5 deri me 30 tetor është koha ideale për drithërat. Këtë po e bën bujku Osman Osmani nga Mireshi i Gjilanit, i cili tash e tetë ditë po lavron, ku sivjet po i mbjellë 10 hektarë me grurë e 10 të tjera me misër.  Pas rritjes së rendimentit këtë verë, po shtohen edhe mbjelljet këtë vjeshtë. Në vitin 2022 është rritur për 15.5% sipërfaqja e mbjellur me grurë dhe për 91% ajo me misër. Krahasuar me 2021 përkrahja qeveritare për mbjelljen e grurit është rritur për 216% për hektar, kurse për atë të misrit 119% për hektar”, ka shkruar Kurti.

-Advertisement-

Ndryshe ai shtoi se derisa po bisedonin me bujqit gazetarja po e pyeste për Lajçakun.

“Teksa bisedonim me bujqit, gazetarja që na ndiqte nëpër ara po më pyeste me insistim për Lajçakun. Unë e pyeta traktoristin për Lajçakun, por ai tundi kokën e i dha gaz traktorit”, ka shtuar tutje Kurti./Gazeta Infokus/

Subscribe në YouTube: GAZETA INFOKUSI
Etiketa:
Bileta të lira nga Prishtina drejt Stockholm me PrishtinaTicket!
-Advertisement-

Të tjera

Fokusi

lajme