Pas reshjeve në Kosovë, kryeshefi i Ujësjellësit tregon se a është uji i pijshëm
Autori: Gazeta inFokus 21:11 | 05 March 2018
Kryeshefi i KRU “Prishtina”, Ilir Abdullahu, ka thënë se uji që po prodhohet në Fabrikën e Shkabajt është shumë cilësor, dhe mund të përdoret për pije pa asnjë problem.
Ai në një intervistë për televizionin 21 ka treguar për prodhimin e ujit, duke bërë transparente të gjitha detajet për konsumatorët.
“Mund të themi se kualiteti është brenda standardeve dhe uji është i mirë, dhe jemi duke prodhuar pa ndërper që ta mbajmë furnizimin 24 orë. Dje gjatë ditës kemi pasur probleme sa i përket kanalit të Ibër Lepencit dhe fabrikës Shkabaj, që për disa orë nuk ka punuar. Tash është në funksion dhe kemi një furnizim 24 orë me ujë dhe nga këto të reshura, problemet më të mëdha janë në Drenas ku prej të njëjtit kanal merr edhe Fabrika e Ujit për Përpunim, ku faktikisht kjo shkallë e madhe e turbullitetit, ka bërë që tash në orët e vona të fillojë prodhimi edhe atje”, ka thënë Abdullahu.
Aibdullahu ka treguar se dy fshatra të Fushë Kosovës, kanë probleme me përmbytje, por që sipas tij, nuk janë rrezikuar stacionet e pompave.
“Në Fushë Kosovë, bëhet fjalë për fshatin Miradi e ulët, por fatmirësisht nuk janë rrezikuar stacioni i pompave që të ndërpritet prodhimi, kështu që atje vazhdon të ketë furnizim, ndërsa në Turin, është një fshat që ka probleme për shkak të përmbytjeve. Në pjesët e tjera kemi shkallë të turbulitetit, por është një fat i mirë që liqejtë po mbushen dhe kjo neve na jep që ta kemi një furnizim stabil gjatë periudhës së verës”, ka thënë ai.
Abdullahu ka mohuar që në krojet e qytetarëve është duke shkuar ujë i turbullt.
“Nuk është duke arritur uji i turbullt nëpër krojet e qytetarëve, uji është shumë kualitet, edhe sa i përket Batllavës, Badovcit dhe Shkabaj uji është mund të them me përgjegjësi se është i kualitetit të lartë, kështu që nuk ka asnjë problem sa i përket furnizimit me ujë të pijes”, ka thënë ai.
Kryeshefi i KRU “Prishtina”, ka thënë se do të jenë në kontakt me Institutin e Shëndetit Publik, dhe jashtë normave nuk do të prodhojnë ujë dhe po ashtu do t’i njoftojnë qytetarët për çdo ndryshim në furnizim.
“Do të jemi në kontakt edhe me Institutin e Shëndetit Publik, dhe jashtë normave nuk do të prodhojmë asnjë litër ujë, dhe me kohë do t’i njoftojmë qytetarët, por tani për tani fabrikat moderne në Badovc dhe në Shkabaj, plus Albaniku, japin një ujë kualitativ dhe nuk do të kemi probleme dhe do ta menazhdojmë shumë mirë”, ka thënë Abdullahu.
Abdullahu ka apeluar tek qytetarët që ta kursejnë ujin dhe t’i kryejnë pagesat, duke shtuar se edhe shëbrimet ndaj konsumatorëve do të jenë shumë më të mira.
“Uji 24 orë do të vazhdojë, apeli është që të kursehet uji, që të mos vijmë si në vitin 2014. Apelojmë tek qytetarët që të mos e keqpërdorin ujin e pijes. Ne nuk e dëshirojmë shkycjetn e qytetarëve nga ujësjellësi, por edhe konsumatorët tashmë kanë ujë 24 orë dhe tashmë ne na duhet edhe investime, dhe ka shumë plane që duhet t’i ngirsim kapacitetet, por nuk mund t’i bëjmë pa një qasje të mirë ndaj KRU Prishtinë, por edhe ne duhet të shërbejmë edhe më mirë konsumatorët”, ka thënë Abdullahu.
Po presim Fushë Kosovën që ta bëjmë 24 orë me ujë definitivisht, dhe e meritojnë ata qytetarët sepse paguajnë shumë me rregull faturat. Me Fushë Kosovën mund të them lirisht se e mbulojmë 40 për qind të Kosovës me ujë 24 orë”, ka thënë ai.
Të tjera
-
Ramiz Qeriqi thotë se gjatë kohës së luftës i ka raportuar Fatmir Limajt dhe jo Rexhep Selimit
Dëshmitari Ramiz Qeriqi tha se gjatë kohës së luftës kur ka shërbyer në Krojm...
-
Tre banesa, garazha, tokë, kjo është pasuria e Bedri Hamzës, kandidatit për kryeministër nga PDK-ja
Kryetari i Komunës së Mitrovicës dhe njëherish edhe kandidat për kryeministër...
-
PE voton për liberalizimin e vizave për kosovarët që mbajnë pasaporta serbe
Parlamenti Evropian ka votuar të martën në favor të liberalizimit të vizave p...
-
LDK për raportin e DASH për Kosovën: I dha vulë paaftësisë së Qeverisë dhe korrupsionit
Lidhja Demokratike e Kosovës duke reaguar ndaj raportit të fundit të Departam...
-
Stano: Për masat ndaj Kosovës vendos Këshilli… në bazë të raportit të Borrellit
Bashkimi Evropian tha se Këshilli i Ministrave do të diskutojë për masat ndaj...
-
Kamberi takohet me Von Cramon, diskutojnë problemet e diskriminimit të shqiptarëve në Luginë
Deputeti shqiptar në Parlamentin e Serbisë, Shaip Kamberi është takuar me eur...
-
Emmerson: Prokuroria po e shfrytëzon dëshmitarin Ramiz Qeriqi si “kalë troje”
Ka filluar dëshmia e dëshmitarit 55-të në Hagë. Dëshmitari është Ramiz Qer...
-
Haradinaj bën homazhe në Sllup, Hereq dhe Dujakë
Kryetari i AAK-së, Ramush Haradinaj, ka bërë homazhe në Sllup, Hereq dhe Duja...
-
Duda Balje u ndalua nga policia serbe në Merdarë
Deputetja e Kuvendit të Kosovës, Duda Balje është ndaluar të martën nga autor...
-
Aktivistët bllokojnë me ngjitës zyrën e profesorit Xhevat Krasniqi
Lëvizja Feministe Studentore ia ka bllokuar me ngjitës zyrën profesorit të Un...
-
PAMJE: “Fluturoi” mbi rrreth dhe mori shtyllën me vete, kështu përfundoi në pompë të derivateve vetura në Veternik
Një aksident i rëndë ka ndodhur të dielën në Veternik ku një veturë ka përfun...
-
Ramiz Qeriqi pohon se kishte polici ushtarake në batalionin e tij
Në Dhomat e Specializuara të Kosovës (DhSK) po vazhdon dëshminë dëshmitari i ...