Lajme

Pas qëndrimit në Kosovë, Lajçaku nesër takohet me Vuçiqin në Serbi

Autori: Gazeta inFokus 15:07 | 04 July 2023

Ndërmjetësi i dialogut Kosovë-Serbi nga BE-ja, Miroslav Lajçak, do të qëndrojë sot për vizitë në Kosovë.

Sipas një njoftimi të presidencës së Kosovës, emisari evropian do të pritet në takim nga e para e shtetit, Vjosa Osmani në orën 15:00.

Pas Osmanit, në orën 16: 00, Lajçaku do të takohet me kryeministrin Albin Kurti.

-Advertisement-

Me ta përfunduar vizitën në Prishtinë, emisari i Brukselit për dialogun Kosovë-Serbi do të shkojë për vizitë në Serbi.

Siç bëhet e ditur në një njoftim të presidencës serbe, takimi mes tij dhe kreut të shtetit serb, Aleksandar Vuçiq do të ndodhë të mërkurën në orën 11:00.

Këto vizita, Lajçaku i zhvillon me kërkesë të kryediplomatit evropian, Josep Borrell.

Kështu ka konfirmuar të hënën për Klankosova.tv zëdhënësi i Bashkimit Evropian, Peter Stano.

“Është një pjesë integrale e punës së një Përfaqësuesi të Lartë të BE-së të udhëtojë për të parë partnerët në terren. Përfaqësuesi i Lartë i BE-së, Miroslav Lajçak është rregullisht në Beograd, Prishtinë, kryeqytetet e BE-së dhe vende të tjera, përfshirë jashtë BE-së, për të kryer punën e tij të përditshme për të çuar përpara dialogun”, ka bërë të ditur Stano në një përgjigje për Klankosova.tv.

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

lajme