Lajme

Pas pak fillon transmetimin Televizioni “T7”

Autori: Gazeta inFokus 20:30 | 16 Mars 2018

Sonte në orën 22:30 do fillojë transmetimi i televizionit më të ri në vend “T7”, shkruan Infokusi.com.

Kanali i 7-të në platformën IPKO dhe kanali 56-të në “Digitalb” janë të rezervuar për këtë televizion.

Një ceremoni me mysafir te shumte nga skena politike, gazetarë, shoqëria civile e figura te njohura nga bota e artit e kulturës është organizuar ne Swiss Hotel ne Prishtinë.

-Advertisement-

Periudha 16 mars-26 mars do të jetë testuese dhe skema programore do të zbulohet dalëngadalë.

‘Berat Buzhala do ta ketë emisionin e tij dy herë në javë. Një emision plotësisht ndryshe për tregun tonë medial.
Leonard Kerquki vjen para jush me një emision të ri, tri herë në javë. Do të kthehet edhe emisioni “Zona Express”.
Arsim Lani me ekipin e tij të gazetarëve do t’i japë një dimension plotësisht të ri informacionit, përmes magazinës informative, që do të transmetohet çdo ditë në orën 19:30.
Fidan Jupolli do të jetë pesë herë në javë në ekranin e juaj.
Elita Rudi do të jetë çdo të shtunë me ju.
Kaltrina Mikushnica rikthehet në ekran me programin e mëngjesit, çdo ditë.
Vlera Jusufi do t’i shndërrojë fundjavat e juaja në një argëtim të vërtetë, përmes emisionit të saj të sportit.
Shpëtim Desku vjen me një format plotësisht të ri në emisionin e tij.
Pesë herë në javë do të jetë me ju edhe Anita Ahmeti me programin e saj të pasdites.
Miqtë tanë të ICK-së do të jenë pjesë e kësaj skeme programore me emisionin e tyre kushtuar teknologjisë.
Dijedon Musa vjen me emisionin e tij për shëndetësinë.
Dritan Dragusha me intervistat e tij vjen çdo fundjavë.
Një herë në javë në ekranet e juaja do të sjellim një emision për veturat.
Gjigandin DW do të vijë te ju në këtë ekran përmes dokumentarëve fantastikë.
Gjatë ditës, televizioni do të sjell te ju lajmet e fundit përmes një formati plotësisht të ri të “neës-channel”-it.”