Pas Muhaxherit edhe një zyrtar tjetër do që të jetë kandidat i LDK’së për Kryeministër
Autori: Gazeta inFokus
13:38 | 14 April 2018
As Imri Ahmeti nuk e ka fshehur ambicien për të qenë udhëheqës i LDK’së dhe kandidat për Kryeministër të Kosovës. Megjithëkëtë, ai ka thënë se është herët të flitet për Kryetarin e LDK’së derisa ka thënë se partia e tij ka shumë njerëz të gatshëm e të përgatitur për të qenë Shef Qeverie. Në gjithë këtë situatë, ai ka thënë se sivjet do të ketë zgjedhje nacionale ndërsa vitin tjetër partiake.
Imri Ahmeti e ka komentuar me humor idenë e Gazmend Muhaxherit që të jetë kandidat i LDK’së për Kryeministër. Ka thënë me shaka se është marrë vesh me Kryetarin e Pejës që nëse nuk është ai kandidat për Shef të Qeverisë, atëherë, garës për Kryeministër do t’i hyjë vetë.
“Jemi marrë vesh me Gazin, nëse, ai nuk hyn në garës për Kryeministër do t’i hyj unë”, ka thënë Ahmeti, duke buzëqeshur, kur është pyetur për ambiciet në LDK për Shef të Qeverisë e kryetar të Partisë..
Megjithëkëtë, Kryetari i Lipjanit, që ka fituar garën e fundit pa balotazh, ka thënë se është herët të flitet për garën zgjedhore partiake. Ka thënë se është e sigurt se Kryetari i ri i LDK’së do të jetë vitin e ardhshëm, por, është shprehur i bindur se sivjet do të ketë zgjedhje nacionale.
“Është krijuar një ambient se kinse LDK nuk është e gatshme të hyjë në zgjedhje parlamentare. LDK është e gatshme për zgjedhje dhe ka shumë njerëz që mund të jenë kandidat për Kryeministër”, ka thënë Ahmeti, të shtunën, për Express.
Ndërkohë, Kryetari i Lipjanit, ka thënë se i sheh krejtësisht normale edhe ambiciet e kolegëve për ta marrë udhëheqjen e LDK’së, vitin e ardhshëm, kur edhe mbahen zgjedhjet partiake.
“Është normale të jesh në politikë e të kesh ambicie. Por, kjo do të bëhet në kohën e duhur”, ka thënë Ahmeti, kur është pyetur për ambicien e tij për të qenë kandidat për Kryetar të LDK’së.
“Është e hershme gjithë kjo garë”, ka shtuar ai.
Por, nuk po e shohin të hershme zyrtarët tjerë të LDK’së të deklarojnë se janë të gatshëm t’i hyjnë garës për Shef të LDK’së e të Qeverisë së ardhshme.
Lutfi Haziri, në Pressing të T7, ka thënë se do të hyjë garës për t’u bërë Kryetar i LDK’së nëse paraprakisht arrin marrëveshje politike me zyrtarët tjerë partiakë.
As Agim Veliu nuk e ka mohuar mundësinë që të jetë pjesë e garës për t’ia zënë vendin Isa Mustafës, i cili ka dhënë shenjat e para se nuk do të jetë më kandidat për Shef partie.
Nuk është përjashtuar mundësia që për Kryetar të LDK’së të kandidojë edhe Fatmir Sejdiu, Vjosa Osmani, Kujtim Shala e Avdullah Hoti. Por, këta të fundit ende nuk kanë dhënë shenja publike për t’i hyrë një gare të tillë.
LDK, aktualisht, partia më e madhe në nivel lokal dhe qendror, po ballafaqohet me mungesën e liderit, i cili ka pasur probleme shëndetësore dhe është kthyer në Kosovë nga Gjermania për të vazhduar trajtimin mjekësor.
Zgjedhjet në LDK janë të parapara në vitin e ardhshëm.
Kryetari i Degës së LDK’së në Lipjan, Imri Ahmeti thotë se për të zënë pozitën e Ibrahim Rugovës, Fatmir Sejdiut e Isa Mustafës në LDK nuk mjafton vetëm të jesh fitues.
“Në fakt, nuk është vetëm fitorja. Ka edhe indikatorë të tjerë për ta mundësuar kandidimin për Shef të LDK’së”, ka thënë Ahmeti.

T� tjera
-
Mustafa: Qeveria e Kosovës pranoi se ka blerë energji elektrike nga Serbia, qytetarët meritojnë përgjigje për dimrin
Deputeti i Partisë Demokratike të Kosovës (PDK), Arben Mustafa, ka reaguar pa...
-
Sillet në Gjykatë 26-vjeçarja e arrestuar për trafikim të narkotikëve, në rastin ku dyshohet edhe ish-ministri Astrit Haraqija
Një 26-vjeçare, e arrestuar nën dyshimin për trafikim të narkotikëve në grupi...
-
Kraki “godet” Kurtin: Paskemi blerë rrymë nga Serbia dhe prapë kemi mbetur pa rrymë, dy herë dështim
Deputeti i VV-së, Nezir Kraki ka reaguar pasi Qeveria e Kosovës ka marrë vend...
-
Daut Haradinaj: Përgjegjës për krizën energjetike është shefi, jo ministrja Rizvanolli
Daut Haradinaj, ka reaguar pas paralajmërimit të kryeministrit Albin Kurti pë...
-
“Qeveritë Kurti 1, 2 e 3 kanë qenë UDB-asha, këta të katërtit janë patriotë”- Sadiku ironizon pas vendimit për tregtimin e rrymës me Serbinë
Deputeti i Lidhjes Demokratike të Kosovës (LDK), Ermal Sadiku, ka reaguar me ...
-
Osmani: Ky pushtet i largoi miqtë, nesër mund të ketë goditje edhe më të rënda për Kosovën
Deputetja e Lidhjes Demokratike të Kosovës, Vjosa Osmani tha se Kosova po e p...
-
Astrit Haraqija sot del para Gjykatës, flet avokati i tij
Ish-ministri i Kosovës, Astrit Haraqija, është arrestuar ditën e djeshme në k...
-
Rryma në dimër, Rizvanolli: Po përpiqemi maksimalisht që kostot e furnizimit të mos rriten
Ministrja e Ekonomisë, Artane Rizvanolli ka folur për mundësinë e rritjes së ...
-
Çitaku: Keqardhja e komisioneres Kos nuk mjafton, kërkojmë sqarim, kërkimfalje dhe garanci për mospërsëritje
Ushtruesja e detyrës së kryetares së PDK-së, Vlora Çitaku, ka reaguar pas dek...
-
Ymeri-Qeverisë: E konfirmuat se kishte tregti të energjisë me Serbinë, por jeni shumë vonë ta nxirrni Kosovën nga kjo “fajde”
Deputetja e LDK-së, Janina Ymeri ka reaguar menjëherë pasi Qeveria Kurti 4 ka...
-
Bajrami për ndërprerjen e tregtimit të rrymës me Serbinë: Tash po shiten si patriotë
Deputetja e LDK-së, Hykmete Bajrami, ka reaguar pas vendimit të Qeverisë së K...
-
Kurti demanton propagandën 5 vjeçare të tij me vendim të ndalimit të importit nga Serbia
Pesë vjet deklarata se nuk importohet rrymë nga Serbia, Kurti tani vendos ta ...


































