Rozë

Pas lajmeve se është e dashura e Flavias, reagon Adriana

Autori: Gazeta inFokus 17:37 | 07 January 2021

Prej dy ditësh po bën xhiron e rrjetit lajmi se Flavia Harizaj, konkurrente aktuale në “Love story” po njihet me një vajzë të quajtur Adriana Destani.

E gjitha nisi kur ish-konkurrentja e programit, Silvana publikoi disa mesazhe që i kanë shkuar në Instagram, nga një vajzë që thotë se është lezbike dhe se po njihet me Flavian.

“Mua më pëlqejnë femrat dhe po njihemi ndërkohë që ajo është aty brenda!”– thuhej në mesazh.

-Advertisement-

Kjo foto shkaktoi menjëherë reagime të shumta në rrjetet sociale, teksa nuk ka munguar as reagimi i Flavias.

Kjo e fundit nëpërmjet një statusi në Instastory u shpreh se është e vërtetë që ka marrë lule nga mikesha e saj Adriana, por në shenjë miqësie dhe asgjë më tepër.

Ajo e cilësoi këtë veprim të Silvanës si xhelozi dhe mllef dhe se vetë është në “Love Story” vetëm për një qëllim, pra për të fituar dashurinë e Saimirit.

E gjithë situata u rëndua më tej kur nga Instagrami i Adrianës shkruhej se ka fakte që ato të dyja kanë flirtuar, kanë bërë plane bashkë dhe Flavia i ka treguar vajzës në fjalë se në atë emision ka shkuar vetëm për famë.

Mirëpo, duket se gjërat nuk janë siç duken. Adriana së fundmi ka treguar se llogaria e saj e Instagramit ishte hakuar dhe fjalët nuk janë shkruar prej saj.

Më tej, ajo sqaroi se ajo dhe Flavia janë vetëm shoqe dhe mohon kategorikisht të ketë lidhje përtej shoqërisë mes tyre.

Ndërkaq, ajo shprehet se çdo gjë është e sajuar nga Silvana për të cilën shprehet se e ka denoncuar dhe do merren organet kompetente me të.

Adriana sqaron edhe se pasi adresa e saj u vodh dhe denoncimit të saj në Polici, tashmë kjo llogari është mbyllur.

“Nuk është e drejtë kjo që ka ndodhur. Profili im ka qenë i vjedhur dhe sot kam arritur me Polici ta mbyll. Asgjë nuk është e vërtetë. Unë dhe Flavia jemi shoqe dhe nuk ka shanse diçka e tillë.(lidhje mes tyre) Më vjen keq se Flavia ka familje, po ashtu edhe unë. Çdo gjë është bërë shumë e madhe. Porm profili ka qenë fallco dhe çdo gjë e ka bërë Silvana sepse atë e kam denoncuar me kohë.”- Ka thënë Adriana Destani.