Lajme

Parashikimi i motit, fillimi i javës me reshje shiu e shkarkime rrufesh

Autori: Gazeta inFokus 22:55 | 03 September 2023

Java e ardhshme do të nisë me mot kryesisht të vranët dhe me reshje shiu.

Të hënën vranësirat parashihen të sjellin reshje shiu dhe shkarkime rrufesh.

Temperaturat minimale do të lëvizin ndërmjet 14-16 gradë Celsius, ndërsa maksimalet e ditës parashihen të lëvizin ndërmjet 19-22 gradë Celsius.

-Advertisement-

Mot i ngjashëm pritet të mbajë edhe të martën. Temperaturat minimale do të lëvizin ndërmjet 10-12 gradë Celsius, ndërsa maksimalet e ditës parashihen të lëvizin ndërmjet 19-23 gradë Celsius, ka njoftuar Instituti Hidrometeorologjik i Kosovës.

Të mërkurën parashihet të ketë mot me diell dhe vranësira të shpërndara. Temperaturat minimale do të lëvizin ndërmjet 9-11 gradë Celsius, ndërsa maksimalet e ditës parashihen të lëvizin ndërmjet 22-26 gradë Celsius.

Të enjten do të mbajë mot kryesisht i ngjashëm me ditën e mërkurë dhe më i ngrohtë. Temperaturat minimale do të lëvizin ndërmjet 10-12 gradë Celsius, ndërsa maksimalet e ditës parashihen të lëvizin ndërmjet 24-28 gradë Celsius.

Ndërsa, dita e premte do të jetë më e nxehtë. Parashihen vranësira të pakta kryesisht rreth relievit malor. Temperatura minimale do të lëvizin ndërmjet 10-13 gradë Celsius, ndërsa maksimalet e ditës parashihen të lëvizin ndërmjet 25-29 gradë Celsius.