Lajme

Parandalimi i pandemisë, Vitia i “troket në derë” Tërnavës

Autori: Gazeta inFokus 16:44 | 01 September 2021

Kryetari i Bashkësisë Islame të Kosovës, Myftiu Naim Tërnava, ka pritur sot në takim ministrin e Shëndetësisë, Arben Vitia, ku temë diskutimi ishte parandalimi i pandemisë globale COVID-19.

Siç njofton BIK, myftiu Tërnava ka shprehur mbështetjen e plotë të Bashkësisë Islame të Kosovës në respektimin e masave për parandalimin e përhapjes së virusit.

Ai më tej tha se edhe ne si BIK me qëllim të ruajtjes së shëndetit publik, në përputhje me masat e reja anti-covid, kem njoftuar imamët e nëpunësit fetar për masat e reja të Qeverisë dhe vendimin e Kryesisë se BIK-ut mbi kryerjen e riteve fetare me xhemat në objektet fetare dhe hapësirat përreth tyre bazuar në manualin anti covid.

Në anën tjetër, ministri i Shëndetësisë, thuhet se e ka vlerësuar kontributin e Bashkësisë Islame të Kosovës në këtë kohë pandemie, por edhe bashkëpunimin e shkëlqyer me Ministrinë e Shëndetësisë dhe ka apeluar qytetarët të kenë kujdes të shtuar për shëndetin e tyre dhe mos të hezitojnë nga vaksinimi./Gazeta Infokus/

Të tjera