Sport

Panuçi me “dorë të hekurt”: Ja pse e përjashtova Çikalleshin, Xhaka mund të…

Autori: Gazeta inFokus 11:42 | 28 August 2017

Në kuadër të ndeshjeve eliminatore të Botërorit 2018 kundër Lihtenshtejnit dhe Maqedonisë, trajneri i kombëtares shqiptare të futbollit, Kristjan Panuçi në një konferencë për mediat foli për listën e lojtarëve të grumbulluar.

Futbollistë si Xhaka, Kaçe e Lenjani, u lanë jashtë liste ndërsa u thirrën emra të rinj si Ahmedi, Memolla e Balliu.

“Vendosa që të publikoja listën ditën e premte. Ishin 24 lojtarë, por do të jenë 23. Do ta shpjegoj pse. Ka tre lojtarë të rinj që kam grumbulluar, u kam dhënë mundësinë që t’i ftoj në kombëtare, pasi e merituan.

-Advertisement-

Janë 23 lojtarë sepse se sot mora një telefonatë nga Cikalleshi, ku më thoshte se nuk mund të vinte se kishte një skuadër ku duhej të firmoste kontratën. Unë e dëgjova dhe i thashë se nuk mund t’i jepja leje që të mos vinte në Kombëtare.

Sepse kontratat mund të firmosen edhe me e-mail, ka një menaxher që mund të marrë avionin dhe të vijë në Tiranë për të firmosur, mund të bënte vizitat mjekësore se ka qendra edhe këtu. Duke mos marrë avionin sot në orën 8 e 30, duke mos ardhur në orar në grumbullim, ai do të rrijë në shtëpi. Këto janë rregulla që i bëj unë, praktikës time dhe të gjithë duhet ti respektojmë, e rëndësishme është që të gjithë të jenë mirë dhe të lumtur, nuk i lejoj askujt të bëjë siç do”, tha ai.

Në lidhje me rastin e Taulant Xhakës, Panuçi u shpreh se pranon ndjesën e tij.

“E dini që Xhaka gaboi, por më telefonoi avokati i tij dhe ai. Këtë çështje e konsideroj të mbyllur dhe i pranoj faljet prej tij.

Unë e vlerësova ndjesën që kërkoi për rastin konkret. Për momentin kjo është zgjedhje teknike. Gjithçka që bëj është në interes të kombëtares dhe jo në interesin personal. Jam i lumtur nëse fiton Shqipëria”, sqaroi Panuçi.

 

Subscribe në YouTube: GAZETA INFOKUSI
Etiketa:
Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…

Të tjera