Uncategorized

Panairi i produkteve rinore në Ferizaj

Autori: Gazeta inFokus 09:55 | 14 Prill 2018

Qendra Rinore në Ferizaj, në kuadër të projektit “Të rinjtë aktiv dhe të fuqishëm”, sot organizon panairin e produkteve rinore, një ngjarje kjo inovative në këtë qytet.

Në këtë panair, i cili mbështetet nga GIZ – YES Programi “Rinia, Punësimi dhe Aftësimi Profesional”, të rinjtë e grup moshës 15-35 vjeç do kenë mundësinë që të ekspozojnë dhe shesin produktet e tyre para qytetarëve.

Qendra Rinore në Ferizaj ka ftuar të gjithë të interesuarit e kësaj grup moshe, të cilët janë prodhues apo përpunues të çfarëdo produkti, si artizanal, bujqësor, ushqimor, tradicional, apo nga cila do lëmi tjetër, që të marrin pjesë në këtë panair, ku mund t’i promovojnë dhe shesin produktet e tyre.

-Advertisement-

“Ky panair do të mbahet sot në sheshin “Hyrë Emini”, nga ora 10:00 deri 15:00. Ne gjithashtu, ftojmë edhe të gjithë qytetarët që të na mbështesin në këtë ditë duke vizituar këtë panair dhe duke blerë produktet që ofrohen nga këta të rinj.Ky event bëhet me qëllimin që të rinjtë kreativ dhe ofrues të produkteve të ndryshme të promovojnë punën e tyre në sferën e biznesit dhe ndërmarrësisë, duke krijuar mundësinë për vetëpunësim”, thuhet në njoftim.