Lajme

Pamjet satelitore nga rradha kilometrike në Rusi që presin të kalojnë kufirin me Gjeorgjinë

Autori: Gazeta inFokus 08:00 | 27 September 2022

Imazhet satelitore nga e diela të siguruara nga Maxar Technologies tregojnë rradhë të gjata trafiku në anën ruse të kufirit me Gjeorgjinë.

Maxar thotë se imazhi më verior tregon trafikun në radhë rreth 16 kilometra në veri të pikës kufitare dhe shton se “bllokimi i trafikut ka të ngjarë të vazhdojë më tej deri në veri”.

CNN raportoi më herët të hënën, se imazhet dhe videot e mediave sociale nga kalimi kufitar midis Rusisë dhe Gjeorgjisë tregojnë linja të gjata trafiku të palëvizshëm përmes një kalimi malor.

-Advertisement-

Pamjet e kapura me dron të hënën tregojnë qindra automjete në anën e kufirit rus, me dëshmitarët që thonë se njerëzit presin deri në 48 orë për të kaluar në Gjeorgji.

Disa video tregojnë forca shtesë ruse të sigurisë që mbërrijnë në kufi me makina të blinduara.

Radhët janë krijuar në vendkalimin Verkhnii Lars nga Osetia e Veriut në Gjeorgji dhe në pika të tjera kufitare.

Videot tregojnë familje dhe shumë burra të vetëm, mes atyre që presin të kalojnë kufirin. Por ka dhe qindra njerëz që i afrohen kufirit në këmbë, duke tërhequr valixhet.

Mes fluksit të papritur, “ne kemi qenë duke diskutuar me qeverinë të vendosë viza dhe/ose të mbyllë kufijtë,” i tha CNN një politikane e opozitës në Gjeorgji, Nona Mamulashvili.

Për momentin, kufiri duket se është ende i hapur.

Subscribe në YouTube: GAZETA INFOKUSI
Etiketa:
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme