Lajme

Pamje: Mes tensionesh, kryetari i Leposaviqit hyn në komunë

Autori: Gazeta inFokus 16:53 | 26 May 2023

Policia e Kosovës ia ka mundësuar kryetarit të ri të Leposaviqit të hyjë në komunë.

Para hyrjes së kryetarit, në Leposaviq pati tensione, ndërsa T7 raportoi se aty u dëgjuan edhe të shtëna me kallashnikov.

Në pamjet e Televizionit 7 shihet momenti kur, pasi shpërndahet turma, Kryetari i Leposaviqit arrin para objektit të komunës, i përcjell nga policë të armatosur.

Para Leposaviqit, Policia shpartalloi turmat në Zveçan dhe Zubin Potok, ku tashmë kanë hyrë kryetarët e rinj në komuna.

Turmat u mblodhën mesditën e sotme për të pënguar hyrjen e kryetarëve të rinj, që janë të gjithë shqiptarë, pasi nëpër qytete u dëgjuan sirenat.

Raportohet se në këto qaste situata në Zubin Potok dhe Leposaviq është shtensionuar.

Ndërkaq, në Leposaviq kanë nisur të vendosën barrikadat. Disa prej tyre i ka larguar Policia e Kosovës.

Afër dhjetë mijë banorë të fshatrave të Skenderajt përfitojnë nga rrjeti i ri elektrik

Të tjera

Fokusi

lajme