Lajme

Pamje kur hajni u hedh sprej syve personave në market dhe vjedh rreth 800 euro

Autori: Gazeta inFokus 11:43 | 20 April 2022

K.A., 21-vjeçar është arrestuar sot për grabitjen e kryer më 2 prill të këtij viti në marketin “n’Mollë” në lagjen “Dardania” në Prishtinë

I njëjti kishte arritur që grabitjen ta kryente duke u hedhur sprej syve dy personave që ndodheshin në market.

Arrestimi i tij është bërë nga njësiti i hetime të stacionit policor Jugu në Prishtinë, ndërsa 21-vjeçari dyshohet se vodhi rreth 800 euro aty.

-Advertisement-

Pasi kishte ndodhur vjedhja policia i kishte shkuar në shtëpi të dyshuarit, por i njëjti nuk ishte gjetur aty.

“Pjesë e punës policore ka qenë edhe kontrolli i vendbanimit të personit të dyshuar ku është gjetur një sprej si dhe gjësende të tjera që mund të shërbejnë si provë se personi në fjalë është i përfshirë në rastin fjalë”, ka njoftuar policia.