Lajme

PAMJE – Arianit Koci mbyll derën e Kuvendit me shirit të kuq: Deputët nuk kanë të drejtë të dalin pa marrëveshje

Autori: Gazeta inFokus 11:39 | 05 June 2025

Avokati Arianit Koci ka ndërmarrë një veprim simbolik para hyrjes së Kuvendit të Kosovës, pak para nisjes së seancës së 27-të për konstituimin e tij, shkruan Gazeta Infokus.

Në shenjë proteste ndaj bllokadës institucionale që ka zgjatur për muaj të tërë, Koci ka vendosur një shirit të kuq para hyrjes së deputetëve në ndërtesën e Kuvendit, duke e quajtur këtë një “bllokadë morale”.

“Deputetët futen në Kuvend për herë të 27-të, por sot nuk kanë të drejtë të dalin pa marrëveshje politike,” ka thënë ai në një fjalim para qytetarëve dhe mediave, duke shtuar se “loja me durimin e popullit duhet të marrë fund.”

-Advertisement-

Koci u bëri thirrje qytetarëve që të mblidhen përpara Kuvendit dhe të protestojnë në mënyrë të qetë dhe demokratike, duke theksuar se protesta nuk ka për qëllim dhunë apo tension, por “vetëm përgjegjësi ndaj qytetarëve.”

Ky reagim vjen në kohën kur Kuvendi ka dështuar për të 27-ën herë me radhë të konstituohet, për shkak të mungesës së konsensusit për votimin e komisionit që do të mundësonte zgjedhjen e kryetarit të ri të Kuvendit.

Subscribe në YouTube: GAZETA INFOKUSI
Etiketa:
Prince Caffe dhuron veturën “Kia Sportage” (VIDEO)
-Advertisement-

Të tjera

Fokusi

lajme