Lajme

Pallaska: Amnistia e krimeve të luftës, mund të bëhet shkas për një luftë të re

Autori: Gazeta inFokus 13:24 | 27 April 2020

Analisti Dastid Pallaska ka komentuar deklaratat e fundit se në marrëveshjen Kosovë-Serbi është e përfshirë edhe amnistia e krimeve të luftës.

Pallska duke komentuar këto deklarata ka thënë se Amnistia e krimeve të luftës është krim me vete, shkruan gazeta inFokus.

Kjo sipas tij sepse amnistia arsyeton krimet e luftës dhe mund të shërbejë edhe si shkas për një luftë të re.

-Advertisement-

“Amnistia e krimeve të luftës është krim më vete. Kjo pasi që amnistia jo vetëm që arsyeton krimet e luftës por edhe mund të shërbej si shkas për luftë të re”, ka thënë Pallaska.

Analisti po ashtu ka theksuar se gjykimi i krimeve është detyrim.

“Krimet e luftës nuk parashkruhen kurrë. Gjykimi i tyre është detyrim jo vetëm ndaj të kaluarës por edhe ndaj të ardhmes pasi që është një ndër garancitë kryesore për paqe të qëndrueshme”, ka thënë ai./Gazeta inFokus/

Subscribe në YouTube: GAZETA INFOKUSI