Fokus

Pak para votimit për Trustin, flet deputeti i LVV-së, Eman Rrahmani

Autori: Elvira Haxhiu 11:35 | 19 January 2023

Në seancën e Kuvendit të Kosovës sot pritet të votohet tërheqja 30 për qind të mjeteve nga Fondi i Kursimeve Pensionale, shkruan Gazeta Infokus.

E këtë tërheqje nuk po e përkrahë Lëvizja Vetëvendosje e cila udhëheq me vendin.

Lidhur me këtë Gazeta Infokus ka kontaktuar deputetin nga radhët e kësaj partie, Eman Rrahmani.

-Advertisement-

Ai vendosi të mbajë sekret nëse do të votoj pro ose kundër tërheqjes së mjeteve nga Trusti.

“E shihni kur të vjen puna për me u votu në kuvend”, është përgjigjur shkurtimisht Rrahmani duke mos dhënë detaje se si do të votojë.

Këtë nismë për tërheqjen e 30 për qind të Trustit, e ka rekomanduar deputeti nga radhët e Partisë Demokratike të Kosovës, Bekim Haxhiu.

Kjo nismë është mbështetur edhe nga partia tjetër opozitare, Aleanca për Ardhmërinë e Kosovës.

Derisa të enjten, nënkryetari i Lidhjes Demokratike të Kosovës, Kujtim Shala, konfirmoi se edhe partia që ai i përket do të votojë pro tërheqjes se mjeteve nga Trusti.

Kujtojmë se në qershor të viti të kaluar pati dështuar votimi për trustin në mungesë të kuorumit./Gazeta Infokus/

Subscribe në YouTube: GAZETA INFOKUSI

Të tjera

Fokusi

fokus