Lajme

Pagesat për semestër, Klinaku ka një thirrje për fëmijët e veteranëve të UÇK-së

Autori: Gazeta inFokus 12:33 | 11 October 2022

Kryetari i OVL-së së UÇK-së, Faton Klinaku ka thënë se është informuar se shumë nga fëmijët e veteranëve nuk po mund t’i marrim vërtetimet që iu duhet për lirim nga pagesa e semestrave.

Ai tha se këto vërtetime nuk po lëshohen nga Zyra për Çështje të Kategorive të Dala nga Lufta e UÇK-së për shkak të disa gabimeve teknike, derisa po i dërgojnë për në Prokurorinë Speciale.

“Edhe pse Zyra për Çështje të Kategorive të Dala nga Lufta e UÇK-së, e ka obligim ligjor ofrimin e shërbimeve për kategoritë e dala nga lufta e UÇK-së, nuk po e realizon këtë për shumë nga ju për shkak të gabimeve teknike”, ka shkruar ai.

-Advertisement-

Klinaku u bëri thirrje fëmijëve të veteranëve që nëse nuk lirohen nga pagesa e semestrit me vërtetimet që ua lëshon OVL në Prishtinë “të ngrisin padi, qoftë fakultetit, qoftë ZÇKDL e UÇK-së”.

Postimi i plotë:

Të nderuar studentë (fëmijë të veteranëve të luftës së UÇK-së)!

Organizata e Veteranëve të Luftës së UÇK-së, selia qendrore në Prishtinë, gjithmonë ka lëshuar vërtetime për lirim nga pagesa e semestrave, dhe këtë është duke e bërë edhe tani.

Edhe pse Zyra për Çështje të Kategorive të Dala nga Lufta e UÇK-së, e ka obligim ligjor ofrimin e shërbimeve për kategoritë e dala nga lufta e UÇK-së, nuk po e realizon këtë për shumë nga ju për shkak të gabimeve teknike.

Siç jemi të informuar, shumë nga ju nuk mund t’i merrni vërtetimet në ZÇKDL e UÇK-së për shkak të atyre gabimeve dhe po ju dërgojnë në prokurorinë speciale për kopje të aplikacionit, gjë që vonesat atje ua pamundësojnë realizimin e të drejtave ligjore.

P.S

Nëse tani, në fakultetet e Universitetit të Prishtinës, nuk liroheni nga pagesa e semestrit me vërtetimet që ua lëshon Organizata e Veteranëve të Luftës, selia qendrore në Prishtinë, ju bëj thirrje që t’i ngrisni padi, qoftë fakultetit përkatës, qoftë ZÇKDL e UÇK-së.

Subscribe në YouTube: GAZETA INFOKUSI
Prince Caffe dhuron veturën “Kia Sportage” (VIDEO)
-Advertisement-

Të tjera

Fokusi

lajme