Shumica e shkollave në Prishtinë sot kanë mbetur pa u pastruar e pa shërbime të tjera për shkak se punëtorët teknikë kanë hyrë në grevë, si pasojë e pagës së ulët dhe diskriminimit të punëtorëve.
“Paga jonë të del veç për tre ditët e para të muajit e 27 ditë veç duhet me ju lut zotit natë e ditë”, ka thënë për Infokus, njëri nga këta punëtorë që sot hynë në grevë.
Ruzhdi Ademi që punon në “Shkollën e Gjelbër” në Prishtinë ka thënë për Infokus se ata paguhen shumë më pak duke qenë të kontraktuar nga kompania private “International Group Base S. P. K (IGB)” e që punëtorët që kryejnë punën e njëjte paguhen dyfish më shumë vetëm pse janë të kontraktuar nga komuna e Prishtinës.
“Pagën e kem sa për 3 dite,27 duhet me ju lut zotit natë e dit, ma mire e din at te Komunës se na si punëtor teknik s’po dimë mi bë llogarite” shtoi ai.
Nëse për një javë atyre nuk u bëhet një zgjidhje, shumica prej tyre do ta lëshojnë punën por jo edhe Ruzhdia, për shkak të gjendjes së rëndë ekonomike.
“Shumica e kolegëve që janë ma të ri, ata ecin menjëherë ma nuk kthehen, po çifti jem që janë ma të vjetër, nuk kem zgjidhje, un jom edhe prej këmbës operacion edhe duhet me punu, po boll kemi duru, gjithë tu na thanë këtë muaj, shkuan 12 vjet”
Ndërsa kryetari i Sindikatës së Pavarur të Sektorit Privat të Kosovës (SPSPK), Jusuf Azemi ka thënë për Infokus se kësaj greve nuk i është bashkuar vetëm një shkollë në Prishtinë dhe se edhe kjo e fundit pritet që grevës ti bashkohet nesër.
“Faktikisht në të gjitha shkollat që kanë punëtorë të sektorit publiko- privat, të gjitha shkollat janë në grevë në përjashtim të shkollës Dardania, e cila besoj që nesër do ti bashkëngjitet.. Arsyeja e parë pagat janë 230 edhe 270 euro, arsyeja e dyte ne te njëjtin rend pune punëtoret qe paguhen nga kompanitë private I marrin pagat siç i ceka kurse punëtoret e tjerë me buxhetin e Komunës së Prishtinës I marrin 390, është diskriminim”, shtoi Azemi.
I pari i punëtorëve të sektorit privat ka bërë të ditur se komuna e Prishtinës ka afat një javë për zgjidhjen e këtij problemi dhe nëse kjo nuk ndodhë punëtorët do të lënë punën.
“Në javën tjetër nëse punëtoret nuk kanë ngritje të pagave, kanë me I leshu vendet e tyre të punës” u shpreh Azemi.
E kjo nuk është hera e parë që punëtorët teknikë të shkollave hyjnë në grevë madje ata po thonë që nuk kanë marrë asnjë pagë qysh nga viti që lamë pasë.
Nëse do tu ofrohet një zgjidhje apo jo për kërkesat e tyre, Gazeta Infokus ka kontaktuar edhe me komunën e Prishtinës, mirëpo të njëjtit, nuk kanë kthyer ndonjë përgjigje deri në publikimin e këtij lajmi./Gazeta Infokus/

Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Sponsoruar