Lajme

Paga deri në 500 mijë dollarë, Mira Murati “trondit” gjigandët e teknologjisë me startup-in e saj

Autori: Gazeta inFokus 18:03 | 02 July 2025

Thinking Machines Lab, startup-i i ri i Mira Muratit, ka tërhequr vëmendje për pagat jashtëzakonisht të larta që u jep specialistëve të teknologjisë

Para lançimit të produkteve, kompania po investon në ndërtimin e një ekipi elitar në fushën e inteligjencës artificiale.

Thinking Machines Lab, startup-i shumë i përfolur i inteligjencës artificiale, i themeluar në fillim të këtij viti nga ish-drejtoresha kryesore e teknologjisë së OpenAI, Mira Murati, ka shpenzuar shumë para për talentet teknike përpara se të lançojë ndonjë produkt.

-Advertisement-

Kështu raportojnë media të huaja, sipas të cilave, TML po u paguan dy anëtarëve të stafit të saj teknik 450,000 dollarë pagë, ndërsa një tjetër po merr 500,000 dollarë, sipas të dhënave nga Business Insider. Kurse një punonjës i katërt, i listuar si “bashkëthemelues/specialist i mësimit automatik”, merr 450,000 dollarë në vit.

Subscribe në YouTube: GAZETA INFOKUSI