Lajme

Pacolli: Me Vetëvendosjen do të jemi pas zgjedhjeve

Autori: Gazeta inFokus 15:33 | 21 May 2017

Kryetari i Aleancës Kosova e Re, Behgjet Pacolli, duke komentuar mos nënshkrimin e koalicionit parazgjedhor me Lëvizjen Vetëvendosje, ka thënë se koha do të tregojë se ishte arsye e justifikuar dhe reale.

Pacolli, përmes një postimi në Facebook, ka paraljmëruar se pavarësisht se koalicioni i mundshëm parazgjedhor mes këtyre dy partive ka dështuar, bashkëpunimi mund të ndodhë pas zgjedhjeve të 11 qershorit.

Postimi i plotë i Pacollit:

-Advertisement-

“Të dashur miq,

Shumëkush më pyet çka ndodhi me bashkëpunimin me Partinë Vetëvendosje. Ju them se me VV kemi punuar shumë në tre muajt e fundit. Jemi takuar shpesh. Ne, të ta kemi gjetur shumë bashkëmendimtarë, miq të mirë dhe profesionistë.

Ne si AKR, jemi përpjekur deri në momentin e fundit dhe prapë mirëkuptohemi për bashkëpunim me miqtë e VV.

Ka një arsye ( e interesit të përbashkët) që nuk bëmë koalicion parazgjedhor dhe koha do të tregojë se ishte arsye e justifikuar dhe reale. Besoj fort se me Vetëvendosjen do të jemi krah per krah në qeverisje, menjëherë pas zgjedhjeve.

Ne, AKR dhe VV kemi unifikuar programet tona qeverisëse për ta kthyer Kosovën në një vend dinjitoz, të udhëhequr nga një ekip që e do Shtetin dhe Qytetarin e saj, që punon për një Kosovë të begatshme e madhështore, të civilizuar e të dashur për qytetarët dhe rininë e saj.

Na priftë e mbara!!! #AKR për një Kosovë madhështore”, (sic), ka shkruaar Pacolli.

Subscribe në YouTube: GAZETA INFOKUSI