Lajme

Pacolli takon Presidentin gjysmë te maskuar të Sudanit të Jugut

Autori: Gazeta inFokus 20:01 | 21 July 2022

Takimet sekrete të politikanëve kosovarë, larg syve të ‘armiqve’, kanë vazhduar edhe sot. Pas takimeve sekrete të kryeministrit Albin Kurti me disa biznesmenë grekë, sot Presidenti i AKR-së Behgjet Pacolli është pritur për një takim nga Presidenti i Sudanit të Jugut, Salva Kiir Mayardi, i cili ish-Presidentin e Kosovës e ka pritur gjysmë i maskuar.

Pacolli, nëpërmjet një njoftimi, ka thënë se me Presidentin Salva Kiir, ka pasur një bisedë të gjatë dhe të frytshme.

“…kemi shkëmbyer mendime për marrëdhëniet ndërmjet vendeve tona ne te gjitha sferat si dy shtete te pavarura dhe sovrane.  Sudani i Jugut është shteti më i ri në botë me 13 milion banor dhe resurse marramendëse natyrore dhe ne ramë dakord që nuk ka asnje arsye mos te punojmë së bashku”, ka shkruar Pacolli.

-Advertisement-

Pacolli ka sugjeruar që Kosova të punojë për krijimin e horizonteve të reja diplomatike.

“Nga ana tjetër ne duhet të punojmë për krijimin e horizontit edhe me te gjere per Kosovën e cila ka nevojë për miq kudo qofshin ata. Është interes kombëtar që Kosova të zërë vendin e merituar në arenën ndërkombëtare dhe të njihet nga bota në tërësi”, ka shkruar ai.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme