Lajme

Pacolli takohet me Kongresmenin Elion Engel

Autori: Gazeta inFokus 10:22 | 21 November 2017

Zëveëndës kryeministri i Kosovës, Behgjet Pacolli sot ka takuar Kongresmenin Eliot Engel me të cilin ka diskutuar për shumë çështje të proceseve politike në vend.

Pacolli në profilin e tij në facebook ka treguar se ka falënderuar për programin e Korporatës Sfidat e Mijëvjeçarit i cili do t’i sjellë vendit tonë 49 milion euro investime dhe shumë vende të reja pune.

Postimi i tij i plotë:

-Advertisement-

Sot, kisha një mëngjes të hershëm pune me Kongresmenin, Eliot Engel, zërin më të fuqishëm dhe përkrahësin më të madh të shqiptarëve të Kosovës në SHBA.

Diskutuam shumë çështje të proceseve politike nëpër të cilët po kalon vendi ynë. Mbi shtimin e përpjekjeve të reja amerikane për konsolidimin e mëtejmë të shtetit të Kosovës si nga brenda ashtu edhe nga jashtë.

E falënderova në veçanti për programin Korporata Sfidat e Mijëvjeçarit (MCC), i cili do t’i sjellë vendit tonë 49 milion euro investime dhe shumë vende të reja pune.

Njeriu më meritor për shtyrjen përpara të këtij programi ka qenë Kongresmeni, Eliot Engel dhe Shefi i Stafit të Demokratëve në Komitetin mbi Marrëdhënie me Jashtë z. Jason Steinbaum. Është vërtetë kënaqësi dhe nder i madh që vendi dhe populli ynë ka miq kaq të mëdhenj dhe modest si Kongresmeni Engel.

Subscribe në YouTube: GAZETA INFOKUSI