Lajme

Pacolli sulmon edhe Thaçin e edhe Kurtin, kjo është arsyeja

Autori: Gazeta inFokus 15:53 | 20 May 2020

Ish-Presidenti i Kosovës, e kreu i AKR-së, Behgjet Pacolli ka kritikuar edhe Presidentin aktual, Hashim Thaçin, por edhe kryeministrin në detyrë, Albin Kurtin.

Kjo për, siç thotë Pacolli, preisonin që po i bëjnë Gjykatës Kushtetuese.

“Shoh shumë deklarata dhe spekulime politike nga të gjitha anët, në lidhje me vendimin e radhës të Gjykatës Kushtetuese. Kjo duhet të ndalet. Kjo vlen për të gjitha palët që tentojnë të ndikojnë, veçanërisht për Presidentin dhe Kryeministrin në detyrë. Gjykata Kushtetuese është një organ i lartë dhe i pavarur dhe nuk guxon të kërcënohet apo të ndikohet nga askush. Është tepër e rëndësishme që të respektohet pa marrë parasysh cili do të jetë vendimi. Unë, si President i vendit, e pata bëra këtë pa zhurmë fare. Ky shembull duhet të ndiqet edhe nga të tjerët”, ka thënë Pacolli.

Gjykata Kushtetuese deri më 29 maj duhet që të marr vendim në lidhje me ligjshmërinë e dekretimit që Presidenti i vendit, Hashim Thaçi, i bëri Avdullah Hotit, për të krijuar Qeverinë e re.

E kjo u kontestua nga Lëvizja Vetëvendosje, e cila edhe e dërgoi në Gjykatën Kushtetuese./Gazeta inFokus/

 

Të tjera