Lajme

Pacolli s’i dha leje për të hyrë në Kosovë ish kryetarit të Gjakovës, akuzohet për krime lufte

Autori: Gazeta inFokus 21:31 | 06 January 2018

Në mediat serbe u tha se pelegrinët serbë nga Serbia nuk kanë dashur ta vizitojnë kishën ortodokse në Gjakovë për shkak që viteve të kaluar kishte pasur pakënaqësi në mesin e familjarëve të personave të vrarë dhe të zhdukur gjatë luftës në Kosovë.

Megjithatë, e vërteta del të jetë ndryshe. Lajmi.net nga burime brenda Ministrisë së Punëve të Jashtme të Kosovës merr vesh se ka pasur kërkesë nga pelegrinët serbë për vizitë në kishën e Gjakovës, por që nuk janë respektuar rregullat.

“Ka ekzistuar një kërkesë për vizitë në Kosovë, por zëvendëskryeministri Behgjet Pacolli i cili është përgjegjës për dhënien e lejeve ka qenë kategorik që të respektohet procedura që kërkesa të bëhet konform rregullave të Republikës së Kosovës. Pra kërkesa e parë nuk ka qenë në rregull dhe në përputhje me rregullat e shtetit tonë”, ka thënë një burim brenda MPJ-së për lajmi.net.

-Advertisement-

Ndërkaq lidhur me shqetësimin e qytetarëve gjakovarë, respektivisht nënave dhe familjeve të të pagjeturve në Gjakovë, burimet në MPJ konfirmojnë se në listën paraprake për të hyrë në Kosovë ka qenë emri i ish kryetarit të Gjakovës, Gjokica Stanojeviq.

“Sa i përket shqetësimeve të qytetarëve të Kosovës, konfirmojmë se në listën paraprake ka figuruar emri i ish kryetarit te Gjakovës, për të cilin nënat dhe familjet e të pagjeturve në Gjakove kanë pretendime që ka qenë i përzier në krime. Pa e paragjykuar epilogun e organeve të drejtësisë, z.Pacolli ka marrë vendim që personi i lartcekur nuk mund të marrë leje për t’u futur në Kosovë”, ka shtuar tutje një burim për lajmi.net.

Portali ynë merr vesh drejtori i të ashtuquajturës Zyre për Kosovën në Qeverinë e Serbisë, Marko Gjuriq ka bërë kërkesë në MPJ për të hyrë në Kosovë dhe se një kërkesë e tillë i është pranuar, pasi që ka respektuar rregullat e Republikës së Kosovës.

Gjuriq do të qëndrojë në vendin tonë për Krishtlindjen Ortodokse

Subscribe në YouTube: GAZETA INFOKUSI