Vetëvendosje nuk po i ndal konferencat për punën e nënshkrimit në Uashington.

Kjo duke organizuar konferenca për shumë prej zotimeve që u nënshkruan nga Kryeministri Hoti, shkruan Gazeta Infokus.

Tash, deputetja Fitore Pacolli po e akuzon Hotin se Kosovës i vendosi edhe një fusnotë.

Veçse tash, kjo edhe më e keqe se e para.

“Kjo pikë e zotimeve është fusnotë e dytë e më e dëmshme se e para, e para reduktoi anëtarësimin nga shteti sovran e i barabartë me të tjera, e dyta pamundëson anëtarësimin e bllokon avancimin e shtetit të Kosovës në shumë dimenzione, si siguri, drejtësi, financiare, arsimit, rrugore, hekurudhore e ajrore. Kjo nënkupton që Kosova me vetdëshirë nuk do të aplikoj për anëtarësim sikur në Këshillin e Evropës, në arsim si Asociacioni Evropian për Sigurimin e Cilësisë, UNESCO e shumë fusha tjera, e në këto nuk ka pengesa për anëtarësim por duhet punë konkrete për të hyrë”, ka thënë Pacolli./Gazetae Infokus/