Lajme

Pacolli: Qeveria e Kosovës të mos i konsiderojë sipërmarrësit si armiq, Rama e ka zgjidhur këtë

Autori: Gazeta inFokus 20:41 | 20 June 2022

Lideri i AKR-së, Behgjet Pacolli, ka thënë është mirë që ka mirëkuptim mes qeverisë së Kosovës dhe Shqipërisë, derisa ka shtuar se do të donte që qeverinë jonë të mos i konsideronte sipërmarrësit si armiq të pushtetit por si pjesë përbërëse e sfidave për zhvillimin e vendit, raporton Gazeta Blic.

Përmes një postimi në Facebook, ai ka thënë se Edi Rama e ka zgjidhur këtë me sipërmarrësit.

Postimi i tij i plotë:

Është shumë mirë që ka mirëkuptim mes qeverisë së Kosovës dhe Shqipërisë dhe do të doja shumë që edhe qeveria jonë të mos i konsiderojw sipërmarrësit si armiq të pushtetit por si pjesë përbërëse e sfidave për zhvillimin e vendit. Edi Rama këtë e ka zgjidhur me sipërmarrësit (me prioritet me ata vendas) duke i konsideruar ata për punën e bwrë mirë por edhe duke i bërë ata përgjegjës në sfidat e zhvillimit të vendit sipas aftësive dhe profilit të tyre profesional. Pra, një bashkëpunim, aty ku është i mundur, për të mirën e vendit.

Të tjera