Pacientët në QKUK rrezikohen nga infeksionet!
Autori: Gazeta inFokus 10:24 | 03 March 2018
Në spitalet e Kosovës shkalla e infeksioneve, pas hulumtimit të bërë nga Instituti Kombëtar i Shëndetit Publik, ka dalë të jetë më e lartë se 7 për qind.
Mirëpo, mikrobiologu Lul Raka nga Instituti Kombëtar i Shëndetit Publik, thotë për Radion Evropa e Lirë se kjo përqindje nuk është reale, pasi që siç thotë ai, duhet të jetë më e lartë. Ai nënvizon se përqindja e prezantuar, ka dalë si pasojë e mosdërgimit të të gjitha mostrave për analiza përkatëse.
Analizat kanë nxjerrë në pah praninë e të ashtuquajturave, superbaktere, të cilat përfshijnë Qendrën Klinike Universitar dhe të gjitha spitalet rajonale. Ato quhen superbaktere për faktin se janë rezistente ndaj antibiotikëve.
Forma më e rëndë e infeksionit është sepsa. Njëri nga pacientët e infektuar me seps, në QKUK, vazhdon të përballet me probleme shëndetësore.
Vajza e këtij pacienti, Mirlinda, rrëfen për Radion Evropa e Lirë përvojën e babait të saj se si ka marrë infeksion pas operimit.
“Babin e kam në Qendrën Klinike Universitare të Kosovës. Është operuar atje në Klinikën abdominale pas një problemi që e ka pasur. Operacioni ka shkuar mirë dhe e kanë lëshu në shtëpi, por pastaj i është keqësuar gjendja, dhe pasi e kemi dërguar në kontroll, mjekët kanë kuptuar se ka marrë infeksion, pasi CRP-ja (një analizë që tregon gjendjen e tij) ka qenë shumë e lartë. Prapë është shtrirë në spital dhe gjendja e tij ka qenë mjaft e rëndë. Ka fituar Seps dhe e gjitha është konstatuar se është fituar gjatë operacionit”, tregon Mirlinda.
Mikrobiologu Lul Raka sqaron se në vendet e industrializuara në gjithë botën, çdo i katërti pacient që futet në kujdes intensiv, merr infeksion apo rreth 25 për qind e pacientëve. Derisa në vendet e pazhvilluara, 66 për qind e pacientëve marrin infeksion posa të futen në kujdesin intensiv.
“Infeksionet spitalore janë sfidë gjithkund. Njësitë më të rrezikuara janë ato të kirurgjisë dhe njësit intensive. Në vendet e Bashkimit Evropian ka rezultuar që infeksionet brenda hospitalore të jenë rreth 7 për qind”.
“Një hulumtim i bërë në Kosovë ka dalë nën shkallën e pritur, pra 7.2 dhe ka pasur disa interpretime për këtë numër të vogël të pritur. Dhe, mendojmë se (është) mungesa e kapaciteteve diagnostike në të gjitha spitalet e Kosovës, pasi ky hulumtim është bërë në gjithë Kosovën”.
“Për sepsan si një infeksion më i shpeshtë në Evropë, tek ne numri ka dalë shumë i vogël, por mendoj se mostrat nuk dërgohen aq sa janë realisht, dhe ajo përqindje nuk mendoj se është reale”, thotë Raka.
Në anën tjetër, Sali Ahmeti, infektolog, thotë se te pacientët që kanë infeksione, sfidë mbetet sepsa, si njëra nga format më të rënda të infeksionit.
“Klinika infektive është klinika ku trajtohen infeksionet dhe ato posoperative janë problematikë e veçantë edhe për vendet e zhvilluara, e sidomos në vendet në zhvillim. Këto shkaktohen nga mikroorganizma që janë rezistent në shumicën e barnave të aplikuara në praktikë gjatë kurimit të pacientëve dhe japin infeksione të formave të rënda e që mund të kalojë edhe në seps, si dhe mund të çojnë në shok septik dhe mund ta rrezikojnë jetën e pacientëve”.
“Vitet e fundit gjithnjë e më shpesh ballafaqohemi me mosha të shtyra e që kanë imunitet më të ulët, e që janë më të atakuar nga infeksionet”, thekson Ahmeti.
Instituti Kombëtar i Shëndetit Publik ka kapacitete për detektimin e gjeneve të rezistencës, e që brenda ditës mund ta përcaktojë a ka të bëjë me superbaktere dhe të ndërmerren masa.
Të tjera
-
Dy tërmete të njëpasnjëshme godasin Greqinë
Dy tërmete kanë goditur mëngjesin e ditës së premte Greqinë. Sipas mediave...
-
Sot mblidhet Kryesia e Kuvendit
Sot do të mbahet mbledhja e radhës e Kryesisë së Kuvendit. Në rend dite vo...
-
Haxhiu: Jemi gati për zgjedhje, edhe të dielën e ardhshme nëse dëshiron opozita
Edhe Ministrja e Drejtësisë, Albulena Haxhiu ka sfiduar opozitën, duke thënë ...
-
Vazhdojnë kërkimet për gjetjen e një personi të zhdukur në Leposaviq
Shoqata e Kosovës për Kërkim dhe Shpëtim ka bërë të ditur se po vazhdojnë kër...
-
Po shkonin në një konferencë që mbahej për Pashkët, autobusi bie nga shkëmbi, vdesin 45 pasagjerët! Shpëton mrekullisht vajza tetë vjeçare
Dhjetra besimtarë vdiqën pasi një autobus që shkonte për në një konferencë të...
-
Lumir Abdixhku kandidat i LDK-së për kryeministër
Lumir Abdixhku kandidat i LDK-së për kryeministër Kryetarja e Forumit të G...
-
Abazoviq: Vota kundër Kosovës e Malit tw Zi tregon realitet të ri
Ish-kryeministri i Malit të Zi, Dritan Abazoviq ka thënë se vota kundër Kosov...
-
Osmani e Statovci ishin për iftar në mensën e studentëve
Presidentja e vendit, Vjosa Osmani, bashkë me deputeten e Listës Guxo, në gru...
-
Mbahet ankandi elektronik për projektin solar prej 100 MW
Ministria e Ekonomisë do të mbajë ankandin elektronik për projektin e parë so...
-
Sot mblidhen dy komisione të Kuvendit
Komisioni për Buxhet, Punë dhe Transfere, si dhe ai për Administratë Publike,...
-
Nënshkruhet sot marrëveshja Kosovë-Mali i Zi për IPA III
Zëvendëskryeministri Besnik Bislimi dhe ministrja për Çështje Evropiane të Ma...
-
Moti në Kosovë me diell
Për sot në Kosovë parashikohet të mbajë mot kryesisht me diell dhe i ngrohtë....