Lajme

“Pa rrymë, pa ujë të pijshëm e me shtëpi të pabanueshme”, qytetarët në gjendje të rëndë pas vërshimeve në Llaushë

Autori: Gazeta inFokus 11:13 | 20 January 2023

Mëngjesi i gjeti me shtëpi nën ujë shumicën e banorëve të fshatit Llaushë, pas vërshimeve të djeshme e që sasi e madhe e ujit po vazhdon të jetë edhe sot në këtë fshat.

Abedin Hoxha, banor i këtij fshati ka thënë për Gazetën Infokus se banorët e këtij fshati e duke përfshirë këtu edhe atë dhe familjen e tij janë në gjendje të rëndë.

“Siç po e shihni shpijat janë gati të gjitha në ujë, të pabanueshme për momentin, jemi në gjendje shumë të ran”, ka thënë ai duke dërguar edhe pamje nga shtëpia e tij, ku sot po mundohen të largojnë ujin që u ka vërshuar dhomat, sallonin e kuzhinën.

Këta banorë po mundohen të vetëm që sa do pak të pastrojnë shtëpitë e tyre nga uji që ti kthejnë ato në gjendje të banueshme.

Derisa qysh nga dje ata nuk kanë ujë të pijshëm dhe as rrymë, e për më tepër nuk janë vizituar fare nga institucionet komunale e as nuk kanë pranuar ndonjë ndihmë.

“Prej dje s’kemi rrymë as ujë të pijshëm, kerkush nuk ka ardhë me na ndihmu, po mundohmi pak diçka vet çka po mujmë”, ka thënë ky banor i fshatit, Llaushë në Skenderaj për Infokus.

Vërshimet e djeshme në Kosovë më së shumti prekën Skenderajn, Mitrovicën e Istogun por që fatmirësisht nuk pati dëme në njerëz megjithëse dëmet materiale janë të mëdha./Gazeta Infokus/

Këto janë pamjet e sotme nga fshati Llaushë dhe shtëpitë e përmbytura:

 

 

Barazo faturën në Meridian Express dhe dhuro për fëmijët SOS Fshatrave

Të tjera

Fokusi

lajme