Lajme

OVL e UÇK-së: Do ta pengojmë mbajtjen e shfaqjes ‘Bordel Balkan’ e cila fyen luftën tonë

Autori: Gazeta inFokus 14:06 | 27 April 2017

Organizata e Veteranëve të Luftës së Ushtrisë Çlirimtare të Kosovës, reagon ndaj shfaqjes “Bordel Balkan” të autorit Jeton Neziraj, e me regjisor nga Serbia, e cila nesër më 28 prill 2017 në ora 20:00, është paralajmëruar që të shfaqet në Teatrin Kombëtar në Prishtinë.

Në reagim thuhet se kjo shfaqje ka përmbajtje denigruese për luftën e UÇK-së dhe tpër këtë arsye do të pengojnë shfaqjen e saj.

“Ky reagim vjen si rezultat i informacioneve që kemi ne, se shfaqja është denigruese për Luftën e UÇK-së, dhe bastardohen vlerat tona kombëtare, por edhe si rezultat që kishim sot një takim me autorin e të aushtuquajturës shfaqje, i cili edhe pas kërkesës sonë, nuk na tregoj skenarin”, thuhet në reagimin e OVL së UÇK-së.

-Advertisement-

Kjo organizatë u ka bërë thirrje qytetarëve që të mos marrin pjesë në këtë shfaqje të cilën e quajnë përqeshëse për vlerat tona kombëtare.

“Me keqardhje për publikun, Ju bëjmë thirrje që mos të merrni pjesë në këtë shfaqje përqeshëse për vlerat tona kombëtare, sepse ne nesër si veteran të luftës së UÇK-së, do ta pengojmë për t’u shfaqur”, thuhet në fund të reagimit.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
BËHUNI PJESË E GARËS KREATIVE!

Të tjera

Fokusi

lajme