Lajme

OVL e UÇK-së reagon pasi Thaçit nuk iu dha leja nga Specialja për ta vizituar babanë e sëmurë

Autori: Gazeta inFokus 10:55 | 07 February 2025

Organizata e Veteranëve të Luftës së UÇK-së, ka reaguar pasi ish-presidentit Hashim Thaçi i është refuzuar kërkesa nga Gjykata Speciale për të vizituar babanë e tij, i cili është në gjendje të rëndë shëndetësore dhe i shtrirë në spital.

Në reagimin e tyre thuhet se kjo gjykatë po bën shkelje elementare të të drejtave të njeriut.

“Ne Organizata e Veteranëve të Luftës të Ushtrisë Çlirimtare të Kosovës – OVL-UÇK, reagojmë dhe ndihemi thellësisht e shpirtërisht të prekur me veprimet e “gjykatës speciale”, e cila që nga fillimi e deri tashti ka qenë e njëanshme dhe dukshëm kundër pjesëtarëve të UÇK-së, duke i shkelur të drejtat elementare të njeriut, të garantuara me ligje ndërkombëtare! Kërkojmë nga instancat më të larta ndërkombëtare të drejtësisë që të ndërmarrin hapa ligjorë për t’ia ndërpre veprimet e kësaj gjykate që shkelin të drejtat e njeriut, njëherësh babait të z. Thaçi i urojmë shërim sa më të shpejt, forcë e durim, sepse e vërteta do të triumfoi mbi të pavërtetën, realiteti dhe e drejta do ta rrënojë gënjeshtrën”, thuhet në reagimin e tyre.

-Advertisement-

Luka Misetiq, avokati i ish-presidentit të Kosovës Hashim Thaçi, ka thënë se klientit të tij i është refuzuar vizita pasi zyra e Prokurorit të Specializuar kundërshtoi dhe gjyqtarët e mohuan vizitën.

 

Etiketa:
Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy