Lajme

Osmani: Urime dhe me fat Fitër Bajramin, lutjet dhe sakrifica juaj përgjatë muajit të Ramazanit u pranofshin

Autori: Gazeta inFokus 08:05 | 10 April 2024

Presidentja e Kosovës, Vjosa Osmani, me rastin e Fitër Bajramit, ka uruar besimtarët që e festojnë këtë ditë.

Osmani mes tjerash theksoi se festa e Fitër Bajramit është përkushtim ndaj besimit, sakrificës dhe vetëmohimit.

“Solidariteti ndërnjerëzor, i cili e shoqëron muajin e bekuar të Ramazanit është trashëgimi e jona e çmuar”, ka thënë Osmani.

-Advertisement-

“Lutjet dhe sakrifica juaj përgjatë muajit të Ramazanit u pranofshin. Ju përcjelltë shëndeti, mbarësia dhe begatia në familjet tuaja!”.

“Në këtë ditë feste, të gjithë duhet ta hapin zemrën, ta shtrijnë dorën e mirësisë dhe bujarisë për ata që kanë nevojë. Qoftë kjo ditë e mbushur me gëzim të pakufishëm, paqe, tolerancë dhe respekt të ndërsjellë! Urime dhe me fat Fitër Bajramin!”.

Subscribe në YouTube: GAZETA INFOKUSI