Lajme

Osmani thotë se deputetët e koalicioni LAA nuk kanë vota për Veselin e Haradinajn

Autori: Gazeta inFokus 12:57 | 28 July 2017

Deputetja më e votuar në vend, Vjosa Osmani ka shprehur bindjen se asnjë deputet nga koalicioni LAA nuk do të votojë për Kadri Veselin kryeparlamentar dhe Ramush Haradinajn kryeministër.

Osmani në ambientet e Kuvendit të Kosovës ka thënë se deklarimet e koalicionit PAN se i kanë numrat janë të dështuara.

“Është vendim unanim i koalicionit tonë qe të mos e votojmë Veselin, nëse ai kandidon. Asnjë votë e koalicionit tonë nuk shkon për qeverinë e koalicionit PAN. Në momentin qe dështon PAN ka përpjekje intensive mes koalicionit LAA dhe VV për arritjen e një marrëveshje. Ky koalicion do të mund të ofronte një qeveri stabile”, ka thënë Osmani për mediet transmeton ‘Indeksonline’.

-Advertisement-

“Kam besim ne deputetët e koalicionit tonë të cilët do të votojnë duke e respektuar vullnetin e votuesve tanë”, ka shtuar ajo.

Votuesi i LDK-së, sipas saj, ka votuar qe LDK të jetë në opozitë.

Subscribe në YouTube: GAZETA INFOKUSI
Etiketa:

Të tjera

Fokusi

lajme