Lajme

Osmani takon presidentin e Letonisë, flasin për thellimin e raporteve bilaterale

Autori: Gazeta inFokus 18:15 | 21 September 2023

Presidentja e Republikës së Kosovës, Vjosa Osmani, e cila po qëndron në New York ku po mbahet sesioni i 78-të i Asamblesë së Kombeve të Bashkuara, ka takuar Presidentin e Republikës së Letonisë, Edgars Rinkēvičs.

Nga zyra e presidentes njoftojnë se Osmani e uroi Rinkēvičsin për zgjedhjen e tij, duke shprehur përkushtimin që të vazhdohen përpjekjet e përbashkëta për thellimin e raporteve bilaterale në mes të Kosovës dhe Letonisë, të cilat, siç thuhet, kanë themelet në vlerat e përbashkëta demokratike, si dhe ngritjes së tyre në nivel të partneritetit strategjik.

Krahas marrëdhënieve bilaterale, në takim u diskutua edhe për zhvillimet e fundit në Kosovë, rajon e më gjerë, me ç’rast e para e shtetit ritheksoi se Kosova mbetet e përkushtuar për paqe dhe siguri afatgjate.

-Advertisement-

Presidentja Osmani ka falënderuar Presidentin Rinkēvičs për mbështetjen e vazhduar të Letonisë për rrugën euroatlantike të Kosovës dhe anëtarësimin në organizata ndërkombëtare.

osmani

Subscribe në YouTube: GAZETA INFOKUSI
Etiketa:
TEB sjellë edhe kartelën prestigjioze VISA Infinite

Të tjera

Fokusi

lajme