Lajme

Osmani takohet me kryeministrin islandez, flasin për rëndësinë e anëtarësimit të Kosovës në KiE

Autori: Gazeta inFokus 19:47 | 20 July 2024

Presidentja e vendit, Vjosa Osmani, është takuar me kryeministrin e Islandës, Bjarni Benediktsson, ku tha se ishte pikërisht Islanda, vendi që i dha hov rrugëtimit dhe përpjekjeve të Kosovës për anëtarësim në Këshillin e Evropës.

-Advertisement-

Osmani tha se me Benediktssonin folën për rëndësinë strategjike të finalizimit të suksesshëm të këtij rrugëtimi.

“Në takimin me Kryeministrin e Islandës, Bjarni Benediktsson, diskutuam rëndësinë strategjike të finalizimit të suksesshëm të këtij rrugëtimi, duke theksuar se me anëtarësimin e Kosovës në KE, triumfon angazhimi ynë për avancim të vazhdueshëm të të drejtave të njeriut”, shkroi Osmani.

Më tej, e para e shtetit tha se kryeministrin islandez e falënderoi për mbështetjen e vazhdueshme, teksa shtoi se konfirmuan gatishmërinë për intensifikimin e bashkëpunimit në dobi të qytetarëve të të dyja vendeve.

Osmani po merr pjesë në Samitin e katërt të Komitetit Politik Evropian që po mbahet në Mbretërinë e Bashkuar.

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme