Lajme

Osmani takohet me bizneset e Tajlandës: Kosova me shumë mundësi për investime

Autori: Gazeta inFokus 12:38 | 25 June 2022

Presidentja e Kosovës, Vjosa Osmani është duke qëndruan në Tajlandë, ku gjatë ditës së sotme ka marrë pjesë në një forum diskutimi me bizneset atje, shkruan Gazeta Infokus.

Kështu është bërë e ditur nga Presidenca përmes një komunikate për media, ku se në këtë diskutim janë shpalosur mundësitë e tërheqjes së investitorëve nga ky shtet, si dhe rritja e shkëmbimeve tregtare në mes dy vendeve.

“Në këtë forum, delegacionit të Presidentes Osmani iu bashkua edhe drejtori ekzekutiv i Odës Ekonomike Amerikane, z.Arian Zeka.

-Advertisement-

Ky forum ekonomik është organizuar nga Ambasada e Republikës së Kosovës në bashkëpunim me Këshillin Diplomatik, Odën Ekonomike Tajlandeze dhe Bordin e Tregtisë së Tajlandës që ka 115,417 anëtarë dhe përfaqëson mijëra biznese”, njoftojnë nga Presidenca e Kosovës.

Gjithashtu, gjatë këtij takimi e para e vendit ka ftuar bizneset e Tajlandës për një vizitë në Kosovë, duke theksuar se shteti ynë ofron mundësi të shumta për investitorë të huaj, duke përmendur këtu pasuritë natyrore të shumta, por edhe tokën bujqësore.

“Disa nga bizneset pjesëmarrëse në forum kanë shfaqur interesim për mundësinë e investimeve në Kosovë, teksa kanë lënë të hapur mundësinë e shqyrtimit të ideve për bashkëpunim konkret në fusha specifike”, thuhet në komunikatë./Gazeta Infokus/

Subscribe në YouTube: GAZETA INFOKUSI

Të tjera

Fokusi

lajme