Lajme

Osmani: Shpresojmë që BE-ja të ketë qasje të balancuar në dialog, në disa raste nuk e kishte

Autori: Gazeta inFokus 15:36 | 07 Shtator 2023

Presidentja e Kosovës, Vjosa Osmani, ka deklaruar se të enjten se shpreson që Bashkimi Evropian, ndërmjetësues në dialogun Kosovë-Serbi, të ketë qasje të balancuar me të dyja palët.

Ajo ka thënë se Kosova për fat të keq gjithmonë ka qenë pala e vetme konstruktive në këtë proces.

Këto deklarime Osmani i ka bërë në një konferencë të përbashkët për media me Sekretarin e Përgjithshëm të NATO-s, Jens Stoltenberg, në selinë e kësaj organizate.

-Advertisement-

“Takimi i ardhshëm i dialogut do të mbahet më 14 shtator. Kosova gjithmonë ka qenë palë konstruktive, fatkeqësisht e vetmja palë konstruktive në atë proces. Lista e marrëveshjeve të pazbatuara nga Serbia është shumë e gjatë, nuk duhet të thellohem në këtë. Shpresat tona janë të ketë një qasje të balancuar së paku nga ndërmjetësit e BE-së, si parakusht për suksesin e procesit”, ka thënë presidentja.

Sipas saj, BE-ja në disa raste nuk ka pasur qasje të balancuar, ndaj nga selia e NATO-s në Bruksel iu ka bërë thirrje aleatëve që të sigurojnë qasje të balancuar.

“Ka pasur momente kur se kemi parë këtë balancë, dua t’i bëjë thirrje gjithë aleatëve dhe partnerëve tanë, që të sigurojnë këtë lloj baraspeshe. Të sigurojnë parimin e barazisë së plotë, e pozicionimit të plotë të palëve në proces, nëse duam të shohim rezultate të qëndrueshme e rezultate që i kontribuojnë paqes, sigurisë e stabilitetit në rajon”, është shprehur mes tjerash Osmani.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy