Lajme

Osmani pranon letrat kredenciale nga ambasadori i ri i Italisë

Autori: Gazeta inFokus 17:51 | 08 May 2025

Presidentja e Republikës së Kosovës, Vjosa Osmani, ka pranuar sot letrat kredenciale nga ambasadori i ri i Italisë në Kosovë, Maurizio Antonini.

Gjatë takimit me ambasadorin, presidentja Osmani i uroi mirëseardhje në Prishtinë dhe suksese në misionin e tij diplomatik, duke theksuar marrëdhëniet e shkëlqyera ndërmjet Kosovës dhe Italisë.

Osmani ka shprehur mirënjohje për përkrahjen e Italisë në të gjitha fazat e rëndësishme të shtetndërtimit të Kosovës dhe forcimit të pozitës së saj në arenën ndërkombëtare.

-Advertisement-

“Në takim u theksua rëndësia e thellimit të mëtejmë të bashkëpunimit dypalësh në fusha të ndryshme, si dhe bashkëpunimin në kuadër të organizatave ndërkombëtare”, thuhet në njoftim zyrtar nga Presidenca.

Po ashtu, është diskutuar për rëndësinë që ka avancimi i Kosovës drejt integrimeve euro-atlantike, duke e cilësuar këtë si një qëllim jetik për të ardhmen e vendit.

Postimi i plotë:

Presidentja Osmani pranoi letrat kredenciale nga ambasadori i ri i Italisë, Maurizio Antonini

Presidentja e Republikës së Kosovës, Vjosa Osmani, pranoi sot letrat kredenciale nga ambasadori i ri i Italisë, Maurizio Antonini.

Presidentja Osmani i uroi ambasadorit Antonini mirëseardhje dhe suksese në misionin e tij diplomatik në Kosovë, duke theksuar marrëdhëniet e shkëlqyera ndërmjet dy shteteve dhe mirënjohjen e thellë të popullit të Kosovës për mbështetjen e vazhdueshme të Italisë në të gjitha fazat kyçe të shtetndërtimit dhe forcimit të pozitës së Kosovës në arenën ndërkombëtare.

Në takim u theksua rëndësia e thellimit të mëtejmë të bashkëpunimit dypalësh në fusha të ndryshme, si dhe bashkëpunimin në kuadër të organizatave ndërkombëtare.

Po ashtu, në takim u nënvizua rëndësia jetike e ecjes përpara në procesin e integrimit euro-atlantik të shtetit tonë.

Subscribe në YouTube: GAZETA INFOKUSI