Lajme

Osmani për Ditën e Veteranit: Kjo ditë i dedikohet njerëzve që nuk ngurruan t’i bëhen mbrojtës atdheut

Autori: Gazeta inFokus 12:08 | 30 December 2021

Presidentja e Kosovës Vjosa Osmani, tha se Dita e Veteranit të Ushtrisë Çlirimtare të Kosovës i dedikohet njerëzve që patën guximin që në momentet më të vështira, atdheut t’i bëhen mbrojtës.

Osmani tha se kjo datë bie në të njëjtën ditë kur para 30 vjetësh, komandanti legjendar Adem Jashari me familje nisi rezistencën në një përballje direkte me forcat e regjimit gjenocidal serb.

“Fundviti përkon edhe me Ditën e Veteranit të UÇK-së, e cila i dedikohet njerëzve që patën guximin që në momentet më të vështira, atdheut t`i bëhen mbrojtës, por edhe të jenë lajmëtarë të lirisë. Sot nderojmë të gjithë ata veteranë, të cilët nuk hezituan, por rezistuan, nuk ngurruan, por luftuan dhe nuk u zmbrapsën, por i dhanë shtytje lirisë sonë”.

-Advertisement-

” Kjo datë bie në të njëjtën ditë kur 3 dekada më parë, më 30 dhjetor 1991, komandanti legjendar Adem Jashari me familje nisi rezistencën në një përballje direkte me forcat e regjimit gjenocidal serb, duke shënuar kësisoj fillet e rezistencës ushtarake të ushtrisë, së cilës i priu deri në rënien e tij bashkë me familje”.

“Përulem para të gjithë atyre veteranëve, të cilët atëherë e sot, atdheun e kanë mbi të gjitha!”.

Subscribe në YouTube: GAZETA INFOKUSI