Osmani për BBC: Deklarata për të zhdukurit, arritje drejt normalizimit me Serbinë
Autori: Gazeta inFokus 16:19 | 05 May 2023
Të shtunën në Londër do të zhvillohet Ceremonia e Kurorëzimit të Mbretit Charles III.
Në këtë ceremoni, mes mbi 100 krerëve të shteteve të ndryshme, do të marrë pjesë edhe presidentja e Kosovës, Vjosa Osmani, e cila tashmë ka mbërritur në kryeqytetin britanik.
Pas mbërritjes, ajo ka zhvilluar një intervistë për BBC.
Aty Osmani flet për ndihmën që Britania e Madhe ia ka dhënë Kosovës vazhdimisht, të cilën e falënderon.
Ndër të tjera, presidentja e vendit ka thënë se Mbreti Charles e ka mbështetur personalisht Kosovën, e ka vizituar vendin para disa vitesh, dhe ka disa çështje për të cilat thotë se pret me padurim të punojë me të, “veçanërisht në mbështetjen e familjeve të personave të zhdukur që janë zhdukur me forcë gjatë luftës së fundit, si dhe mbështetjen e viktimave të dhunës seksuale gjatë të luftës, kauza të cilat i kam shumë për zemër”, tha presidentja e vendit për BBC.
Duke folur për komunitetin shqiptar në Britani të Madhe, Osmani tha se ata janë shumë të suksesshëm në profesionet e tyre.
“Pas ceremonisë, do të tentoj të takohem me ta. Kemi një komunitet kosovar që lulëzon këtu në Londër, por edhe përtej, që jo vetëm se janë të integruar, por janë edhe shumë të suksesshëm në profesionet e tyre dhe jam shumë krenare për të arriturat e tyre”, theksoi Osmani në këtë intervistë për BBC.
Ajo tha se duhet të punohet që ngjarje si lufta e fundit në Kosovë të mos ndodhin kurrë më.
Osmani u pyet edhe për normalizimin e raporteve mes Kosovës e Serbisë. Sipas saj, miratimi i Deklaratës për personat e zhdukur ishte një e arritur e suksesshme në këtë drejtim.
“Besoj se java e fundit ka qenë goxha e suksesshme, veçanërisht në një çështje të veçantë, që është miratimi i Deklaratës për Personat e Zhdukur që janë zhdukur me forcë gjatë luftës, është një çështje që e kam shtyrë përpara dhe si Kosovë kemi investuar në këtë sepse janë mbi 1600 familje që ende i kërkojnë të dashurit e tyre që janë rrëmbyer gjatë luftës dhe për këtë arsye llogarisim mbështetje shtesë nga Britania e Madhe që është një nga vendet me rol kryesor për të na mbështetur. Deklarata është miratuar, zbatimi është kyç dhe fatkeqësisht Serbia nuk njihet si vend për zbatim. Por shpresoj që me ndihmën e aleatëve mund t’i japim fund kësaj plage shumë të thellë të shoqërisë sonë dhe që nënat të kenë një vend ku mund të vendosin lule për fëmijët e tyre të zhdukur”, potencoi e para e shtetit.
Ajo u pyet edhe për rastet e të shtënave të masë në Serbi që ndodhën në dy ditët e fundit.
Sipas saj, ngjarja e 3 majit ku një fëmijë vrau tetë bashkëmoshatarë në një shkollë në Beograd, e kanë tronditur.
“Të shtëna masive nuk kanë ndodhur në rajonin tonë, ka qenë tronditje e madhe për mua. Si presidente e Kosovës, u kam shprehur ngushëllimet më të thella të gjitha familjeve që i kanë humbur të dashurit e tyre. Është një tragjedi e madhe, dhe shpresoj që institucionet në Serbi do të ndërmarrin të gjitha masat që fëmijët të mbrohen”, deklaroi presidentja Vjosa Osmani.
Të tjera
-
Ambasadori britanik ngjitet në malet e Sharrit: Vendi më i bukur që kam qenë ndonjëherë
Ambasadori i Mbretërisë së Bashkuar në Kosovë, Jonathan Hargreaves ka festuar...
-
E dhimbshme; Vdes vajza 2 vjeçare nga Ferizaj
Një ngjarje e rëndë e ka kapluar një familje nga Ferizaj, shkruan Gazeta Insa...
-
Remi përfshihet në debatin e fundit: Vetëm falë UÇK’së sot e gëzojmë lirinë
Ish-komandanti i Ushtrisë Çlirimtare të Kosovës në Zonën Operative të Llapit,...
-
Potencial për konflikte në Veri, Gjermania: Nuk ikim nga Kosova, misioni në KFOR të zgjatet
Ruajtja e paqes në Ballkan është përgjegjësia jonë”. Me këtë argument, depute...
-
Shqiptarët në Itali mobilizohen në mbështetje të kandidatit të parë shqiptar nga Italia për deputet në PE, Muharrem Salihu
Shqiptarët gjithandej Italisë janë bërë bashkë në mbështetje të kandidatit të...
-
Bajrami i reagon Muratit për “rritjen e cilësisë së jetës”: Me çka ministër, mashtrimet s’kalojnë
Deputetja e Lidhjes Demokratike të Kosovës, Hykmete Bajrami ka thënë se VV-ja...
-
Nis “Parada e Krenarisë”, i prin Kurti
Ka nisur “Parada e Krenarisë’ në Sheshin “Skënderbeu” në kryeqytet me moton “...
-
Përparim Rama i bashkohet Paradës së Krenarisë
Me sloganin “Kemi qenë dhe do t’jemi” ka nisur mbledhja në sheshin e Prishtin...
-
Konjufca i bën thirrje mërgatës të dalin në votime: Zgjedhjet europiane janë të rëndësishme për të gjithë ne
Kryeparlamentari Glauk Konjufca ka dalë me një thirrje për mërgatën shqiptare...
-
“Presidenca tha se e cënoi sigurinë kombëtare”, policia e merr në pyetje Bedri Elezin!
Njohësi i çështjeve të sigurisë, Bedri Elezi, ka konfirmuar se është thirrur ...
-
Listës Srpska s’i jepet fjala në Kuvendin panserb, i pret Vuçeviqi: Na tha se Kosova është pjesë e Serbisë
Krerët e Listës Serbe sot kanë qëndruar për një vizitë në Beograd ku janë pri...
-
Gërvalla pranon që ka mospajtime me Osmanin: Nuk është nevoja të pajtohemi 100 për qind
Presidentja e Kosovës, Vjosa Osmani, kishte bërë reagimin e saj më të ashpër ...