Lajme

Osmani nga Parlamenti Evropian: Jemi afër gjetjes së zgjidhjes për situatën në veri

Autori: Gazeta inFokus 13:23 | 14 Qershor 2023

Presidentja e Kosovës, Vjosa Osmani në konferencën për media, pas adresimit të saj para deputetëve në Parlamentin Evropian ka folur edhe për situatën në komunat veriore të Kosovës.

E para e vendit ka theksuar se Kosova është në rrugën e duhur për t’i tejkaluar sfidat me të cilat po ballafaqohet.

Osmani para gazetarëve tha se Kosova është në kontakt me ShBA-në dhe BE-në për të gjetur një zgjidhje të përbashkët, por që do duhet të diskutohen edhe disa detaje, por beson se kjo sfidë do të tejkalohet.

-Advertisement-

“Ne duhet ta kuptojmë që aleancat janë vlerë, fuqi dhe rrjedhimisht të vazhdojmë të punojmë me miq në rrugën përpara. Mund ti quaj sfida ato me të cilat do të ballafaqohemi tani, por sfida të cilat do ti tejkalojmë, jemi në rrugë të duhur për ti tejkaluar. Janë vazhdimisht në diskutime, kontakt me partnerët tanë në SHBA e BE dhe do të thoja që jemi afër, që rruga përpara të jetë një një zgjidhje e përbashkët. Janë disa detaje që akoma duhet të diskutohen, por kam besimin e plotë se kjo sfidë do të tejkalohet sepse rruga përpara është e përbashkët.

Ajo ka thënë se Kosova është afër me kërkesat e ndërkombëtarëve, e që kërkesa e Kosovës, siç është sundimi i ligjit, Osmani ka theksuar se është edhe kërkesë e tyre, e se për çështjen e zgjedhjeve ka vullnet edhe tek institucionet e Kosovës.

Presidentja e vendit ka thënë se ende ka diskutimi, por që jemi afër të gjindet zgjidhja për situatën në veri.

“Jemi afër sa i përket kërkesave ndërkombëtareve. Shumë prej kërkesave tona siç është sundimi i ligjit, janë edhe kërkesë e tyre, dakordim që duhet të ketë sundim të ligjit dhe nuk duhet të ketë pandëshkueshmëri, pastaj çështja e zgjedhjeve të reja ka vullnet tek institucionet e Kosovës. Ka ende diskutime, por mendoj se jemi afër të gjindet zgjidhja”, tha Osmani.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy